കർതാർപുർ ഇടനാഴി: സുഷമ പ​െങ്കടുക്കാത്തതിൽ വിഷമമില്ല - പാക്​ വിദേശകാര്യ മന്ത്രി

ഇസ്​ലാമാബാദ്​: കർതാർപുർ ഇടനാഴി തറക്കല്ലിടൽ ചടങ്ങിൽ സുഷമ സ്വരാജ്​ പ​െങ്കടുക്കാത്തതിൽ വിഷമമില്ലെന്ന്​ പാക്​ വിദേശ കാര്യമന്ത്രി ഷാ മഹ്​മൂദ്​ ഖുറൈശി. സുഷമാ സ്വരാജ്​ പ​െങ്കടുക്കുന്നതിനെ കുറിച്ച്​ കൂടുതൽ പ്രതീക്ഷകളൊന്നും ഉണ്ടായിരുന്നില്ലെന്നും അദ്ദേഹം പറഞ്ഞു.

അതേസമയം, കർതാർപുർ ഇടനാഴി ഇന്ത്യ - പാക്​ ബന്ധത്തിൽ സമാധാനം കൊണ്ടുവരാനുള്ള വഴിയാണെന്നും ഉഭയകക്ഷി ചർച്ചയെ കുറിച്ച്​ മാറി ചിന്തിക്കണമെന്നും അദ്ദേഹം കൂട്ടിച്ചേർത്തു.

മുംബൈ ഭീകരാക്രമണ കേസി​െല സൂത്രധാരനായ ഹാഫിസ്​ സഇൗദിനെതിരെ എന്തുകൊണ്ട്​ നടപടി സ്വീകരിക്കുന്നില്ലെന്ന ചോദ്യത്തിന്​ നിയമപരമായി നിലനിൽക്കുന്ന തെളിവുകൂടി അതിന്​ ആവശ്യമാണെന്നും കോടതിയു​െട പരിഗണനയിലുള്ള വിഷയമായതിനാൽ കൂടുതൽ വിശദീകരിക്കുന്നില്ലെന്നും അദ്ദേഹം പറഞ്ഞു.