ഇസ്​ലാമിക തീ​വ്രവാദത്തിന്​ ഇന്ത്യയിൽ സ്വാധീനമില്ലാത്തതിനു കാരണം ഹിന്ദു മതം: ചൈന

ന്യൂഡൽഹി: രാഷ്​ട്രീയ ഇസ്​ലാമിന്​ ഇന്ത്യയിൽ വേരോട്ടം ലഭിച്ചില്ലെന്നതാണ്​ ആഗോള തലത്തിൽ ഇന്ത്യയുടെ രാഷ്​ട്രീയ,ഭൂമിശാസ്​ത്ര പ്രാധാന്യമെന്ന്​ ചൈന. ലോകത്തി​​െൻറ മറ്റു ഭാഗങ്ങളിൽ നിന്ന്​ വ്യത്യസ്​ഥമായി ഇന്ത്യൻ മുസ്​ലിംകൾ എന്തുകൊണ്ട്​ തീവ്രവാദത്തിൽ നിന്ന്​ വിട്ടുനിൽക്കുന്നു എന്നത്​ പ്രസ്​കതമാണ്​. ദക്ഷിണ ഫിലിപ്പീൻസിൽ ​െഎ.എസ്​ പിന്തുണയോടെ മുസ്​ലിം തീ​​വ്രവാദികൾ ചില നഗരങ്ങൾ അടക്കി ഭരിക്കുകയാണ്​. തെക്കൻ തായ്​ലണ്ടിൽ തീവ്രവാദ ആക്രമണങ്ങൾ എല്ലാ ആഴ്​ചയിലും നടക്കുന്നു. അതേസമയം, ഇന്ത്യയിൽ എന്തുകൊണ്ട്​ മുസ്​ലിം തീ​വ്രവാദ സംഘടനകൾ പിടിമുറുക്കുന്നില്ലെന്ന്​​   ചൈനീസ്​ ഒൗദ്യോഗിക മാധ്യമമായ ​പീപിൾസ്​ ഡെയ്​ലിക്ക്​ കീഴിലെ േഗ്ലാബൽ ടൈംസ്​ പത്രം ചോദിക്കുന്നു. പീപിൾസ്​ ഡെയിലിയുടെ മുതിർന്ന പത്രാധിപർ ഡിങ്​ ഗാങ്​ എഴുതിയ ലേഖനത്തിലാണ്​ ഹിന്ദു മതവും അതിന്​ മുസ്​ലിംകളോടുള്ള സമീപനവും വിലയിരുത്തുന്നത്​. 

ഇന്ത്യയിൽ നിലനിൽക്കുന്ന ഹിന്ദു മതത്തി​​​െൻറ സ്വാധീനമാണ്​  തീവ്രവാദം വളരാതിരിക്കാൻ കാരണമെന്ന്​ പത്രാധിപർ എഴുതുന്നു. ഹിന്ദു മതത്തിന്​ മ​റ്റെല്ലാ മതങ്ങളിലുമെന്ന പോലെ തീവ്രവായ വശമുണ്ട്​. എന്നാൽ, അതി​​െൻറ മിതവശത്തിനാണ്​ രാജ്യത്ത്​ കൂടുതൽ സ്വാധീനമുള്ളത്​.  ഒരു മതമെന്നതിനപ്പുറം ഹിന്ദു മതം ജീവിത രീതിയും സാമൂഹ്യ സ്​ഥാപനവുമായി മാറിയെന്നതാണ്​ ഇന്ത്യയുടെ ചരി​ത്രം. ചരിത്രത്തിലുടനീളം മുസ്​ലിംകളുമായുള്ള സമീപനത്തിൽ ഹിന്ദു മതത്തി​​െൻറ തീ​വ്രവും സഹിഷ്​ണുതാപരവുമായ രണ്ടു വശങ്ങളും ഉൾകൊണ്ടിട്ടുണ്ട്​. അതേസമയം, ഇൗ ദ്വന്ദ നിലപാട്​  ​ ഇസ്​ലാമിക തീവ്രവാദത്തെ തടുത്തു നിർത്തുകയാണ്​ ചെയ്​തത്​. മുഗൾ സാമ്രാജ്യം മുസ്​ലിംകളാണ്​ പണിതതെങ്കിലും ഇന്ത്യക്കാർ പലപ്പോഴും അതിൽ അഭിമാനം കൊളളുന്നവരാണെന്ന്​ ചൈനീസ്​ മാധ്യമം പറയുന്നു. 

ദക്ഷിണ ഫിലിപ്പീൻസ്​, ഇന്തോനേഷ്യ, മലേഷ്യ, ദക്ഷിണ തായ്​ലണ്ട്​, ദക്ഷിണ മ്യാൻമർ, ബാംഗ്ല്​ാദേശ്​, പാകിസ്​താൻ, മധ്യേഷ്യൻ രാജ്യങ്ങളെ  എന്നിവ​യെ ബന്ധിപ്പിച്ചുള്ള ഇസ്​ലാമിക അർധ വൃത്തത്തിൽ ( ദ ആർക്​ ഒാഫ്​ ഇസ്​ലാം ) ഇന്ത്യ പങ്കാളിയല്ല. വൃത്തം അവിടെ മുറിഞ്ഞുപോവുകയാണ്​. ഇന്ത്യയുടെ ഭാഗത്ത്​ വലിയ വിടവാണുള്ളത്​. ആ ശൃംഖലയിൽ ഇന്ത്യ കണ്ണിയാവാത്തതിനു കാരണം മൃദു ഹിന്ദുത്വമാണ്​. 

ഇന്ത്യയുടെ ഇൗ നിലപാട്​ ലോക രാജ്യങ്ങളായ അമേരിക്ക, റഷ്യ, ജപാൻ, യൂറോപ്യൻ രാജ്യങ്ങൾ എന്നിവർ മനസ്സിലാക്കുന്നു. ആ രാജ്യങ്ങളുടെ ഏഷ്യൻ നയം രൂപീകരിക്കുന്നതിൽ ഇത്​ സ്വാധീനിക്കുന്നുമുണ്ട്​. ചൈനയെ സംബന്ധിച്ചും ഇന്ത്യയുടെ നിലപാടിന്​ ​  ​രാ്​ഷട്രീയ പ്രധാന്യമുണ്ടെന്ന്​ പത്രം ചൂണ്ടിക്കാട്ടുന്നു. ഡോക്​ലം പ്രതിസന്ധയിൽ അയവുവരുത്തി ഇന്ത്യയും ചൈനയും സേനാ പിൻമാറ്റം നടത്തിയ സാഹചര്യത്തിലാണ്​ ചൈനയുടെ നിലപാട്​ പുറത്തുവന്നത്​.