കോവിഡ്​ ഭീതിക്കിടെ മിസൈൽ പരീക്ഷണവുമായി ഉത്തരകൊറിയ

പ്യോങ്​യാങ്​: കോവിഡ്​ 19 വൈറസ്​ ഭീതിക്കിടെ ഹൃസ്വദൂര മിസൈൽ പരീക്ഷണം നടത്തി ഉത്തരകൊറിയ. ദക്ഷിണകൊറിയയാണ്​​ മിസൈൽ പരീക്ഷണം സ്ഥിരീകരിച്ചത്​. ദക്ഷിണകൊറിയയുടെ കിഴക്ക്​ ഭാഗത്തുള്ള കടലിലെ ലക്ഷ്യസ്ഥാനത്താണ്​​ മിസൈൽ പതിച്ചത്​.

മി​െസെൽ പരീക്ഷണം സംബന്ധിച്ച്​ വിലയിരുത്തലുകൾ നടത്തുകയാണെന്ന്​ ദക്ഷിണകൊറിയയും യു.എസും അറിയിച്ചു. അതേസമയം, ജപ്പാൻ അതിർത്തിയിൽ മിസൈൽ പ്രവേശിച്ചിട്ടില്ലെന്ന്​ ജാപ്പനീസ്​ സർക്കാർ വ്യക്​തമാക്കിയിട്ടുണ്ട്​.

ഏപ്രിലിൽ ജനപ്രതിനിധി സഭയായ സുപ്രീം പീപ്പിൾ അസംബ്ലി ചേരാനിരിക്കെ ജനങ്ങൾക്കിടയിൽ ആത്​മവിശ്വാസം വർധിപ്പിക്കാനാണ് ഉത്തരകൊറിയയുടെ​ മിസൈൽ പരീക്ഷണമെന്നാണ്​ സൂചന. ഈ മാസം ആദ്യവും ഉത്തരകൊറിയ രണ്ട്​ മിസൈൽ പരീക്ഷണം നടത്തിയിരുന്നു.