സ്ഥാപകന്‍റെ ജന്മദിനത്തിൽ മിസൈൽ തൊടുത്ത് നോർത്ത് കൊറിയ

സിയോൾ: രാഷ്ട്ര സ്ഥാപകൻ കിം ഇൽ സങ്ങിന്‍റെ 108ാം ജന്മദിനത്തിൽ മിസൈലുകൾ തൊടുത്ത് നോർത്ത് കൊറിയ. കിഴക്കൻ കാങ് വോങ് പ ്രവിശ്യയിലെ മങ്ചോണിൽ നിന്ന് ഭൂതല-കടൽ ക്രൂയിസ് മിസൈലുകളാണ് വിക്ഷേപിച്ചത്.

150 കിലോമീറ്റർ അകലെയുള്ള കിഴക്കൻ കടലിൽ മിസൈലുകൾ പതിച്ചതായി സംയുക്ത സേനാ മേധാവി അറിയിച്ചു. നിലവിലെ ഭരണാധികാരി കിങ് ജോങ് ഉന്നിന്‍റെ മുത്തച്ഛനാണ് കിം ഇൽ സങ്.

ഏതാനും ആഴ്ചകൾക്ക് മുമ്പ് ഹ്രസ്വ ദൂര മിസൈലുകളും മറ്റ് ആയുധങ്ങളും ഉത്തര കൊറിയ പരീക്ഷിച്ചിരുന്നു. കഴിഞ്ഞ മാസം പരീക്ഷണത്തിന്‍റെ ഭാഗമായി നാല് ബാലിസ്റ്റിക് മിസൈലുകൾ വിക്ഷേപിച്ചത് വാർത്തയായിരുന്നു.