ആണവ നിരായുധീകരണത്തിന്​ പ്രതിജ്​ഞാബദ്ധമെന്ന്​ കിംജോങ്​ ഉൻ

ബെ​യ്​​ജി​ങ്​: ആദ്യമായി ചൈനയിലെത്തിയ ഉത്തര​െകാറിയൻ ഏകാധിപതി കിം ജോങ്​ ഉൻ ചൈനീസ്​ പ്രസിഡൻറ്​ ഷി ജിങ്​ പിങ്ങുമായി കൂടിക്കാഴ്​ച നടത്തി. ഒൗപചാരികമായ സന്ദർശനമായിരുന്നെന്നും ത​​​​​െൻറ രാജ്യം ആണവനിരായുധീകരണത്തിന്​ പ്രതിജ്​ഞാബദ്ധമാണെന്നും കിം ജോങ്​ ഉൻ അറിയിച്ചു. 

ഷി ജിങ്​ പിങ്ങുമായി കൂടിക്കാഴ്​ച നടത്തിയെന്നും രണ്ടു പാർട്ടികളും ഇരു രാജ്യങ്ങളും തമ്മിലുള്ള ബന്ധം ഉൗട്ടി ഉറപ്പിക്കുന്നതിനെ കുറിച്ച്​ ചർച്ച ചെയ്​തുവെന്നും കൂടിക്കാഴ്​ച​ക്കുശേഷം കിം ജോങ്​ ഉൻ അറിയിച്ചു. ഇരു രാജ്യങ്ങളിലെയും ആഭ്യന്തര പ്രശ്​നങ്ങളും കൊറിയൻ മേഖലയിൽ സമാധാനം പുനഃസ്​ഥാപിക്കുന്നതും മറ്റു വിഷയങ്ങളും ചർച്ചയായെന്നും കിംജോങ്​ ഉൻ കൂട്ടിച്ചേർത്തു. 

2011ൽ ​അ​ധി​കാ​ര​മേ​റ്റെ​ടു​ത്ത ശേ​ഷം ആ​ദ്യ​മാ​യാ​ണ്​ കിം ​വിദേശ പര്യടനം നടത്തുന്നത്​. ചി​ര​കാ​ല​വൈ​രി​ക​ളാ​യ ദ​ക്ഷി​ണ കൊ​റി​യ​യു​മാ​യും യു.​എ​സു​മാ​യും ച​ർ​ച്ച ന​ട​ത്താ​നി​രി​ക്കുകയാ​ണ്​ ഉ​ത്ത​ര കൊ​റി​യ. ച​ർ​ച്ച ഇൗ ​വ​ർ​ഷം ത​ന്നെ​യു​ണ്ടാ​കു​മെ​ന്നാ​ണ്​ റി​പ്പോ​ർ​ട്ടു​ക​ൾ. 2011ൽ ​കി​മ്മി​​​​​​െൻറ പി​താ​വ്​ ചൈ​ന​യി​ലെ​ത്തി​യിരുന്നു.  

ആ​ണ​വ മി​സൈ​ൽ പ​രീ​ക്ഷ​ണ​ത്തെ തു​ട​ർ​ന്ന്​ യു.​എ​സ്​ അ​ട​ക്ക​മു​ള്ള രാ​ജ്യ​ങ്ങ​ൾ ഉ​ത്ത​ര കൊ​റി​യ​ക്കെ​തി​രെ പോ​ർ​വി​ളി ന​ട​ത്തി​യ​പ്പോ​ൾ ചൈ​ന ഒ​പ്പം നി​ന്നിരുന്നു.