ഹാഫിസ്​ സഈദിനെതിരായ വിധി പറയുന്നത്​ നീട്ടി

ലാഹോർ: മുംബൈ ഭീകരാക്രമണ സൂത്രധാരനും ജമാഅത്തുദ്ദഅ്​വ തലവനുമായ ഹാഫിസ്​ സഈദ്​ പ്രതിയായ രണ്ട്​ ഭീകരാക്രമണക്കേ സുകളിൽ വിധി പറയുന്നത്​ നീട്ടി. ഭീകര പ്രവർത്തനത്തിന്​ പണം നൽകിയെന്ന കേസുകളാണ്​ സഈദി​​െൻറ അഭ്യർഥന പരിഗണിച്ച്​ മാറ്റിയത്​. ശനിയാഴ്​ച വിധി പറ​യാനിരുന്ന കേസുകളാണ്​ ലാഹോർ ഭീകര വിരുദ്ധ കോടതി ജഡ്​ജി അർശദ്​ ഹുസൈൻ ഭുട്ട ചൊവ്വാഴ്​ചത്തേക്ക്​ മാറ്റിയത്​.

ഭീകരാക്രമണത്തിന്​ പണം നൽകിയതുമായി ബന്ധപ്പെട്ട്​ സഈദിനെതിരായ എല്ലാകേസുകളും ചേർത്ത്​ ഒന്നിച്ച്​ വിചാരണ നടത്തി വിധി പറയണമെന്ന അപേക്ഷയാണ്​ കോടതി പരിഗണിച്ചത്​. അപേക്ഷ പ്രോസിക്യൂഷൻ എതിർത്തു. അപേക്ഷയിലുള്ള വാദിഭാഗത്തി​​െൻറയും പ്രതിഭാഗത്തി​​െൻറയും നിലപാട്​ അറിയുന്നതിനാണ്​ ചൊവ്വാഴ്​ചയിലേക്ക്​ കേസ്​ മാറ്റിയത്​.