നിയമ ഭേദഗതി: പാ​കി​സ്​​താ​നി​ൽ  പ്ര​തി​ഷേ​ധം തുടരുന്നു

ഇ​സ്​​ലാ​മാ​ബാ​ദ്​: നി​യ​മ​ഭേ​ദ​ഗ​തി​യിൽ മതനിന്ദ ആരോപിച്ച്​ പാ​കി​സ്​​താ​നി​ൽ മതസംഘടനകളുടെ പ്ര​​ക്ഷോ​ഭം തുടരുന്നു.  ​നിയ​മ​മ​ന്ത്രി​യു​ടെ രാ​ജി​യാ​വ​ശ്യ​പ്പെ​ട്ട്​ റോ​ഡു​ക​ൾ  ഉ​പ​രോ​ധി​ച്ച്​ പ്ര​​ക്ഷോ​ഭം ന​ട​ത്തി​യ​വ​രെ  പി​രി​ച്ചു​വി​ടാ​നു​ള്ള  പൊ​ലീ​സി​​​​െൻറ ശ്ര​മം  സം​ഘ​ർ​ഷ​ത്തി​ൽ ക​ലാ​ശി​ക്കു​ക​യാ​യി​രു​ന്നു. 
​സാ​ഹ​ച​ര്യം വി​ല​യി​രു​ത്താ​ൻ പ്രധാനമന്ത്രി ശാഹിദ്​ അ​ബ്ബാ​സി​യും സൈനിക മേധാവി ഖമർ ജാവേദ്​ ബാ​ജ്​​വ​യും ഞാ​യ​റാ​ഴ്​​ച ഉ​ന്ന​ത​ത​ല കൂ​ടി​ക്കാ​ഴ്​​ച ന​ട​ത്തി.  പ്ര​ശ്​​നം പ​രി​ഹ​രി​ക്കാ​ൻ നി​യ​മ​മ​ന്ത്രി സാ​ഹി​ദ്​ ഹാ​മി​ദ്​ രാ​ജി​സ​ന്ന​ദ്ധ​ത അ​റി​യി​ച്ച​താ​യും റി​പ്പോ​ർ​ട്ടു​ണ്ട്.

ഹാ​മി​ദി​​​​െൻറ വ​സ​തി​യും ആ​ക്ര​മി​ച്ചു. ആ​ക്ര​മ​ണം  ന​ട​ന്ന സ​മ​യ​ത്ത്​ അ​ദ്ദേ​ഹ​ത്തി​​​​െൻറ കു​ടും​ബം  വീ​ട്ടി​ലു​ണ്ടാ​യി​രു​ന്നി​ല്ല. സം​ഘ​ർ​ഷം തു​ട​രു​ന്ന സാ​ഹ​ച​ര്യ​ത്തി​ൽ രാ​ജ്യ​ത്തെ വി​ദ്യാ​ഭ്യാ​സ​സ്​​ഥാ​പ​ന​ങ്ങ​ൾ​ക്ക്​ ര​ണ്ടു​ദി​വ​സം അ​വ​ധി ന​ൽ​കി. 

കോ​ട​തി ഉ​ത്ത​ര​വ​നു​സ​രി​ച്ചാ​ണ്​ ശ​നി​യാ​ഴ്​​ച  പ്ര​ക്ഷോ​ഭ​ക​രെ നേ​രി​ടാ​ൻ പൊ​ലീ​സ്​  രം​ഗ​ത്തി​റ​ങ്ങി​യ​ത്. പൊ​ലീ​സ്​ ജ​ല​പീ​ര​ങ്കി​യും  ക​ണ്ണീ​ർ​വാ​ത​ക​വും പ്ര​യോ​ഗി​ച്ചി​ട്ടും ​പ്ര​തി​​ഷേ​ധ​ക്കാ​ർ പി​രി​ഞ്ഞു​പോ​യി​ല്ല. പൊ​ലീ​സ്​ വാ​ഹ​ന​ങ്ങ​ൾ ക​ത്തി​ച്ചും ക​ല്ലെ​റി​ഞ്ഞും അ​വ​ർ  തി​രി​ച്ച​ടി​ച്ച​തോ​ടെ ശ​നി​യാ​ഴ്​​ച വൈ​കീ​േ​ട്ടാ​ടെ   പൊ​ലീ​സ്​ പി​ൻ​വാ​ങ്ങു​ക​യാ​യി​രു​ന്നു. പ്ര​ക്ഷോ​ഭം  തു​ട​രു​ന്ന സാ​ഹ​ച​ര്യ​ത്തി​ൽ നേ​രി​ടാ​ൻ സ​ർ​ക്കാ​ർ സ​ഹാ​യം ആ​വ​ശ്യ​പ്പെ​ട്ടി​ട്ടും  സൈ​ന്യം നി​ശ്ശ​ബ്​​ദ​ത പാ​ലി​ക്കു​ക​യാ​ണ്. സം​ഘ​ർ​ഷ​ത്തി​ൽ മ​രി​ച്ച​വ​രു​ടെ എ​ണ്ണം 10 ആ​യി.  200ലേ​റെ പേ​ർ​ക്ക്​ പ​രി​ക്കു​ണ്ട്.

ഇ​സ്​​ലാ​മാ​ബാ​ദി​ൽ  റാ​വ​ൽ​പി​ണ്ടി​യി​ലേ​ക്കു​ൾ​പ്പെ​ടെ​യു​ള്ള  റോ​ഡു​ക​ൾ ഉ​പ​രോ​ധി​ച്ചാ​ണ്​ പ്ര​ക്ഷോ​ഭം  തു​ട​രു​ന്ന​ത്.  പ്ര​ശ്​​നം പ​രി​ഹ​രി​ക്കാ​ൻ  ഇ​ട​പെ​ട​ണ​മെ​ന്നാ​വ​ശ്യ​പ്പെ​ട്ട്​ പാ​ക്​  ആ​ഭ്യ​ന്ത​ര​മ​ന്ത്രാ​ല​യം സൈ​നി​ക നേ​തൃ​ത്വ​ത്തി​ന്​  ക​ത്ത​യ​ച്ചി​രു​ന്നു​വെ​ങ്കി​ലും അ​വ​രു​ടെ ഭാ​ഗ​ത്തു​നി​ന്ന്​ പ്ര​തി​ക​ര​ണ​മു​ണ്ടാ​യി​ട്ടി​ല്ല. പാ​കി​സ്​​താ​നി​ൽ  സ​ർ​ക്കാ​റും സൈ​ന്യ​വും ത​മ്മി​ലു​ള്ള ഭി​ന്ന​ത  തു​ട​ങ്ങി​യി​ട്ട്​ പ​തി​റ്റാ​ണ്ടു​ക​ളാ​യി. അ​തേ​സ​മ​യം, പാ​ർ​ല​മ​​​െൻറ്, രാ​ഷ്​​ട്ര​പ​തി ഭ​വ​നം,  സു​പ്രീം​കോ​ട​തി തു​ട​ങ്ങി ത​ന്ത്ര​പ്ര​ധാ​ന  ഭാ​ഗ​ങ്ങ​ളി​ൽ സു​ര​ക്ഷ​ക്കാ​യി സൈ​ന്യ​ത്തെ  വി​ന്യ​സി​ച്ചി​ട്ടു​ണ്ട്.

ക​റാ​ച്ചി, ലാ​ഹോ​ർ  എ​ന്നീ ന​ഗ​ര​ങ്ങ​ളി​ലും പ്ര​തി​ഷേ​ധം തു​ട​രു​ക​യാ​ണ്. മു​ഹ​മ്മ​ദ്​ നബിയുടെ അ​ന്ത്യ​പ്ര​വാ​ച​ക​ത്വം സംബന്ധിച്ച്​ സെ​പ്​​റ്റം​ബ​റിൽ പാസാക്കിയ നി​യ​മ​ഭേ​ദ​ഗ​തി​യാ​ണ്​ വി​വാ​ദ​ത്തി​നാ​ധാ​രം. രാ​ജ്യ​ത്തെ അ​ഹ്​​മ​ദി​യ്യ വി​ഭാ​ഗ​ത്തി​ന്​ അ​നു​കൂ​ല​മാ​യാ​ണ്​ ഭേ​ദ​ഗ​തി​യെ​ന്നാ​ണ്​ തീ​വ്ര​പ​ക്ഷ​ക്കാ​രു​ടെ ആരോപണം. 

തു​ട​ർ​ന്നാ​ണ്​ വി​വി​ധ മ​ത​സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ റോ​ഡു​ക​ൾ ഉ​പ​രോ​ധി​ച്ച്​ ന​വം​ബ​ർ എ​ട്ടു​മു​ത​ൽ പ്ര​ക്ഷോ​ഭം തു​ട​ങ്ങി​യ​ത്.