കോവിഡ്​ -19 മനുഷ്യരിൽ നിന്നും മൃഗങ്ങളിലേക്ക്​

ഹോ​ങ്കോങ്​: മനുഷ്യരിൽ നിന്നും മനുഷ്യരിലേക്ക്​ മാത്രമല്ല, മൃഗങ്ങളിലേക്കും കോവിഡ്​ 19 വൈറസ്​ പകരുന്നതായി കണ ്ടെത്തൽ. ഹോ​ങ്കോങ്ങിൽ കൊ​േറാണ വൈറസ്​ ബാധിച്ച സ്​ത്രീയുടെ വളർത്തുനായ്​ക്കാണ്​ കൊറോണ സ്​ഥിരീകരിച്ചത്. മന ുഷ്യരിൽ നിന്നും മൃഗങ്ങളിലേക്കും ​കൊറോണ പകരു​ന്നുണ്ടെന്ന്​ അധികൃതർ പറഞ്ഞു.

​ഹോ​ങ്കോങ്ങിൽ കൊ​േറാണ ബാധിച്ച്​ ചികിത്സയിലു​ള്ള 60 കാരിയുടെ വളർത്തുനായെ രോഗം ബാധിച്ചതായി സംശയം തോന്നിയതിനെ തുടർന്ന്​ പരി​േശാധനക്ക്​ വിധേയമാക്കുകയായിരുന്നു. നായ്​​ക്ക്​​ കൊറോണ ബാധ സ്​ഥിരീകരിച്ചതോടെ മൃഗസംരക്ഷണ കേന്ദ്രത്തിൽ നീരീക്ഷണത്തിലാക്കി.

രോഗബാധ ഉറപ്പിക്കാൻ നിരവധി തവണ പോമറേനിയൻ നായുടെ സാമ്പിളുകൾ പരിശോധിച്ചു. ഈ പരിശോധനകളിലെല്ലാം കൊറോണ വൈറസ്​ ബാധ കണ്ടെത്തിയതായി ഹോ​ങ്കോങ്​ അഗ്രിക്കൾച്ചർ, ഫിഷറീസ്​ ആൻഡ്​ കൺസർവേഷൻ വകുപ്പ്​ അറിയിച്ചു.

മൃഗ ഡോക്​ടർമാരും ആരോഗ്യ പ്രവർത്തകരും വേൾഡ്​ ഓർഗ​നൈസേഷൻ ഫോർ ആനിമൽ ഹെൽത്തും മനുഷ്യരിൽനിന്നും വൈറസ്​ മൃഗ​ങ്ങളിലേക്ക്​ പകർന്നതാണെന്ന നിഗമനത്തിൽ എത്തിയതായും അറിയിച്ചു. അതേസമയം നായിൽ​ വൈറസ്​ ബാധയുടെ ലക്ഷണങ്ങളൊന്നും കാണിച്ചിരുന്നില്ല.

വളർത്തുമൃഗങ്ങൾക്ക്​ രോഗബാധ കണ്ടെത്തുന്നതിനെ തുടർന്ന്​ എല്ലാ വളർത്തുമൃഗങ്ങളെയും 14 ദിവസത്തെ നിരീക്ഷണത്തിൽ സൂക്ഷിക്കാൻ ഹോ​ങ്കോങ്​ സർക്കാർ അറിയിച്ചു. നിലവിൽ ഇവിടെ രണ്ടു നായ്​ക്കൾ ഐ​സൊലേഷനിലുണ്ട്​.