മോദി-ട്രംപ്​ കൂടികാഴ്​ച: ചർച്ചയായി ഇറാനും 5ജിയും

ഒസാക്ക: ജി 20 ഉച്ചകോടിക്ക്​ മുന്നോടിയായി പ്രധാനമന്ത്രി നരേന്ദ്രമോദിയും അമേരിക്കൻ പ്രസിഡൻറ്​ ഡോണൾഡ്​ ട്ര ംപും​ തമ്മിൽ കൂടികാഴ്​ച നടത്തി. വ്യാപാരം, പ്രതിരോധം, 5ജി കമ്മ്യൂണിക്കേഷൻ നെറ്റ്​വർക്ക്​ തുടങ്ങിയവയുമായി ബന്ധ പ്പെട്ടായിരുന്നു ചർച്ചകൾ. ഇറാൻ വിഷയത്തിൽ സമ്മർദമുണ്ടാകില്ലെന്ന്​ ട്രംപ്​ മോദിയെ അറിയിച്ചു. ഇന്ത്യയോട്​ അമേരിക്കൻ പ്രസിഡൻറ്​ കാണിക്കുന്ന സ്​നേഹത്തിന്​ നന്ദിയുണ്ടെന്ന്​ മോദിയും പ്രതികരിച്ചു.

സൈനിക മേഖലയിൽ ഉൾപ്പെടെ അമേരിക്കയും ഇന്ത്യയും സഹകരിക്കുമെന്നും ട്രംപ്​ വ്യക്​തമാക്കി. വ്യാപാര സംബന്ധമായ വിഷയങ്ങളിൽ കൂടുതൽ ചർച്ചകളുണ്ടാകും. അർഹിക്കുന്ന വിജയമാണ്​ തെരഞ്ഞെടുപ്പിൽ മോദി നേടിയത്​. എല്ലാവരെയും ഒരുമിപ്പിക്കുന്നതിൽ മോദി വലിയ പങ്കു വഹിച്ചിട്ടുണ്ടെന്നും ട്രംപ്​ പറഞ്ഞു.

ബ്രിക്​സ്​ നേതാക്കളുടെ അനൗ​പചാരിക കൂടികാഴ്​ചയും സമ്മേളനത്തിനിടെ നടന്നു. തീവ്രവാദമാണ്​ ലോകം നേരിടുന്ന പ്രധാന പ്രതിസന്ധിയെന്ന്​ കൂടികാഴ്​ചയിൽ നരേന്ദ്രമോദി പറഞ്ഞു. സാമ്പത്തിക വികസനത്തേയും സാമൂഹിക സുസ്ഥിരതക്കും തീവ്രവാദം ഭീഷണിയാണ്​. ഇന്ത്യയുടെ തീവ്രവാദത്തിനെതിരായ പോരാട്ടത്തിന്​ മറ്റ്​ രാജ്യങ്ങൾ പിന്തുണ നൽകണമെന്നും അദ്ദേഹം അഭ്യർഥിച്ചു.