മ്യാന്മറിൽ റോഹിങ്ക്യൻ വംശഹത്യ തുടരുന്നതായി യു.എൻ

യാ​ംഗോൻ: മ്യാന്മറിൽ റോഹിങ്ക്യൻ വംശഹത്യ അവസാനിച്ചിട്ടില്ലെന്ന്​ യു.എൻ മനുഷ്യാവകാശ പ്രതിനിധി. ബംഗ്ലാദേശിൽ കഴിയുന്ന റോഹിങ്ക്യകളെ സ്വീകരിക്കാൻ മ്യാന്മർ തയാറാണെന്ന്​ പറയു​േമ്പാഴും വംശഹത്യക്ക്​ വിരാമമായിട്ടില്ലെന്നാണ്​ യു.എൻ അസിസ്​റ്റൻറ്​ സെക്രട്ടറി ജനറൽ കൂടിയായ ആൻഡ്രൂ ഗിൽമർ വെളിപ്പെടുത്തിയത്​. ബംഗ്ലാദേശിലെ കോക്​സ്​ ബസാർ ജില്ലയിൽ അവസാനമായി എത്തിയ റോഹിങ്ക്യൻ അഭയാർഥികളോട്​ സംസാരിച്ച ശേഷമാണ്​ അദ്ദേഹം ഇക്കാര്യം വെളിപ്പെടുത്തിയത്​.

ഏതെങ്കിലും റോഹിങ്ക്യൻ അഭയാർഥിക്ക്​ ഇൗ സാഹചര്യത്തിൽ രാജ്യത്തേക്ക്​ മടങ്ങാൻ കഴിയുമെന്ന്​ കരുതാനാവില്ലെന്നും അദ്ദേഹം കൂട്ടിച്ചേർത്തു. റോഹിങ്ക്യകളെ സ്വീകരിക്കാൻ സന്നദ്ധമാണെന്ന്​ മ്യാന്മർ ലോകത്തോട്​ പറഞ്ഞുകൊണ്ടിരിക്കെ തന്നെ, അവരുടെ സൈന്യം റോഹിങ്ക്യകളെ കൂട്ടക്കൊല ചെയ്യുകയാണ്​. കഴിഞ്ഞ വർഷ​ത്തേതിന്​ സമാനമായ ഭീകരമായ കൂട്ടക്കൊലകൾ കുറഞ്ഞെങ്കിലും നിർബന്ധിത പട്ടിണിയിലേക്ക്​ റോഹിങ്ക്യകളെ തള്ളിവിടുകയാണ്​ മ്യാന്മർ -അദ്ദേഹം പറഞ്ഞു.

ലോകത്തെ ഏറ്റവും ഭീകരമായ അടിച്ചമർത്തലുകൾക്ക്​ വിധേയമാകുന്ന ജനതയാണ്​ റോഹിങ്ക്യകൾ. പൗരത്വം പോലും നൽകാതെ പതിറ്റാണ്ടുകളായി പീഡിപ്പിക്കുന്ന ഇവർ രാജ്യത്തെ റാഖൈൻ സംസ്​ഥാനത്താണ്​ കൂടുതലായും കഴിയുന്നത്​. കഴിഞ്ഞ വർഷം സൈന്യം ആരംഭിച്ച കൂട്ടക്കൊലയിൽ നിരവധിപേർ കൊല്ലപ്പെട്ടിരുന്നു. ഇതിനകം ഏഴ്​ ലക്ഷത്തിലേറെ റോഹിങ്ക്യകൾ ബംഗ്ലാദേശിൽ മാത്രം അഭയം തേടിയിട്ടുണ്ട്​. നൂറുകണക്കിന്​ റോഹിങ്ക്യൻ ഗ്രാമങ്ങൾ കൊള്ള ചെയ്​ത സൈന്യം, ബുൾഡോസറുകൾ ഉപയോഗിച്ച്​ നശിപ്പിച്ച 55 ഗ്രാമങ്ങളുടെ സാറ്റലൈറ്റ്​ ചിത്രങ്ങൾ ഇൗയടുത്ത്​ പുറത്തു വന്നിരുന്നു.