റഷ്യൻ സൈനിക വിമാന അപകടം: മരണ സംഖ്യ 39 ആ‍യി 

മോസ്​കോ: സിറിയയിൽ റഷ്യൻ വിമാനം ലാൻഡിങ്ങിനിടെ തകർന്നുവീണ സംഭവത്തിൽ മരിച്ചവരുടെ എണ്ണം ​39 ആയി. സിറിയയിലെ ഹിമീമീം വ്യോമതാവളത്തിലാണ് കഴിഞ്ഞ ദിവസം​ അപകടമുണ്ടായത്​. വിമാനത്തിലുണ്ടായിരുന്നവരെല്ലാം കൊല്ലപ്പെട്ടതായി റഷ്യൻ പ്രതിരോധ മന്ത്രാലയം സ്​ഥിരീകരിച്ചു.

സാ​േങ്കതിക തകരാറാണ്​ അപകട കാരണമെന്നാണ്​​ പ്രാഥമിക വിലയിരുത്തൽ. വിമാനത്തിനു നേരെ വെടിവെപ്പോ ആക്രമണമോ ഉണ്ടായിട്ടില്ല. അപകടകാരണം സംബന്ധിച്ച്​ വിശദമായ അന്വേഷണത്തിന്​ കമീഷനെ നിയമിച്ചിട്ടുണ്ട്​. 

സിറിയയിൽ സർക്കാർ സേനയെ സഹായിക്കുന്ന റഷ്യയുടെ പ്രധാന സൈനിക താവളമാണ്​ ഹിമീമീം വ്യോമതാവളം. പ്രസിഡൻറ്​ ബശ്ശാർ അൽ അസദി​​​​​​െൻറ സേനയെ സഹായിക്കാൻ 2015 മുതലാണ്​ റഷ്യൻ സൈന്യം സിറിയയിലെത്തിയത്​. പ്രധാനമായും വ്യോമാക്രമണങ്ങളാണ്​ റഷ്യ സിറിയയിൽ നടത്തുന്നത്​.