ശ്രീലങ്കയിലെ പേമാരി: മരണം 169

കൊ​ളം​ബോ: കാ​ല​വ​ർ​ഷം ക​ന​ത്ത​തി​നെ തു​ട​ർ​ന്ന്​ ​ശ്രീ​ല​ങ്ക​യു​ടെ തെ​ക്കു​പ​ടി​ഞ്ഞാ​റ​ൻ മേ​ഖ​ല​ക​ളി​ൽ ര​ണ്ടു ദി​വ​സ​മാ​യി തു​ട​രു​ന്ന വെ​ള്ള​പ്പൊ​ക്ക​ത്തി​ൽ മ​രി​ച്ച​വ​രു​ടെ എ​ണ്ണം 169 ആ​യി. 112​ പേ​രെ കാ​ണാ​താ​യ​തി​ൽ പ​ല​രും ദു​ര​ന്ത​ത്തി​നി​ര​യാ​യേ​ക്കാ​മെ​ന്ന്​ ദു​ര​ന്ത​നി​വാ​ര​ണ മ​ന്ത്രാ​ല​യം അ​റി​യി​ച്ചു. താ​ഴ്​​ന്ന ഭാ​ഗ​ങ്ങ​ളി​ൽ വെ​ള്ളം ക​യ​റു​ക​യും മ​ണ്ണി​ടി​ഞ്ഞ്​ നി​ര​ത്തു​ക​ൾ ഗ​താ​ഗ​ത​യോ​ഗ്യ​മ​ല്ലാ​താ​വു​ക​യും ചെ​യ്​​ത​തോ​ടെ 1,12,000 പേ​രെ മാ​റ്റി​പ്പാ​ർ​പ്പി​ച്ചി​ട്ടു​ണ്ട്. കു​ടു​ങ്ങി​ക്കി​ട​ക്കു​ന്ന നി​ര​വ​ധി കു​ടും​ബ​ങ്ങ​ളെ ഇ​നി​യും ര​ക്ഷി​ക്കാ​നാ​യി​ട്ടി​ല്ല.

അ​ഞ്ചു ​ല​ക്ഷ​ത്തോ​ളം പേ​ർ​ വെ​ള്ള​പ്പൊ​ക്ക കെ​ടു​തി​ക​ൾ​ക്ക്​ ഇ​ര​യാ​യ​താ​യും മ​ന്ത്രാ​ല​യം അ​റി​യി​ച്ചു. തെ​ക്ക​ൻ തീ​ര മേ​ഖ​ല​യാ​യ ഗാ​ലി​യി​ൽ ക​ഴി​ഞ്ഞ ര​ണ്ടു ദി​വ​സ​ത്തി​നി​ടെ 223 മി​ല്ലീ​മീ​റ്റ​റാ​ണ്​ മ​ഴ ല​ഭി​ച്ച​ത്. ഉ​ൾ​​പ്ര​ദേ​ശ​മാ​യ ര​ത്​​ന​പു​ര​യി​ൽ 453 മി​ല്ലീ​മീ​റ്റ​റും മ​ഴ ല​ഭി​ച്ചു. 30 അ​ടി ഉ​യ​ര​ത്തി​ൽ വെ​ള്ളം ക​യ​റി​യ​തി​നെ തു​ട​ർ​ന്ന്​ ക​ട​ക​ളും വീ​ടു​ക​ളും മു​ങ്ങി​ക്കി​ട​ക്കു​ക​യാ​ണ്. ഒ​റ്റ​പ്പെ​ട്ട പ്ര​ദേ​ശ​ങ്ങ​ളി​ലു​ള്ള​വ​രെ  ബോ​ട്ടി​ൽ സു​ര​ക്ഷി​ത കേ​ന്ദ്ര​ങ്ങ​ളി​ലേ​ക്ക്​ മാ​റ്റു​ന്ന​ത്​ തു​ട​രു​ന്ന​താ​യും റി​പ്പോ​ർ​ട്ടു​ക​ൾ പ​റ​യു​ന്നു. 2,000 സൈ​നി​ക​രെ​യാ​ണ്​ പ്ര​ദേ​ശ​ങ്ങ​ളി​ൽ വി​ന്യ​സി​ച്ച​ത്. ചി​ല​യി​ട​ങ്ങ​ളി​ൽ മു​ത​ല​യു​ടെ ആ​​ക്ര​മ​ണം ഭീ​ഷ​ണി​യാ​കു​മെ​ന്ന മു​ന്ന​റി​യി​പ്പും അ​ധി​കൃ​ത​ർ ന​ൽ​കി​യി​ട്ടു​ണ്ട്.