ശ്രീലങ്കയിലെ പ്രളയം: മരണം 193 ആയി

കൊളംബോ: ശ്രീലങ്കയിലെ തെക്കുപടിഞ്ഞാറൻ മേഖലകളിൽ കനത്ത നാശം വിതച്ച പ്രളയത്തിൽ മരിച്ചവരുടെ എണ്ണം 193 ആയി. കഴിഞ്ഞ 14 വർഷത്തിനിടെയുണ്ടായ ഏറ്റവും വലിയ ദുരന്തത്തി​ൽ ആയിരക്കണക്കിന്​ വീടുകളും കെട്ടിടങ്ങളും തകർന്നിട്ടുമുണ്ട്​. പ്രളയ ബാധിത പ്രദേശങ്ങളിൽ കുടിവെള്ള ക്ഷാമം രൂക്ഷമാ​ണെന്നും ഇത്​ ജനങ്ങളുടെ ജീവിതത്തെ സാരമായി ബാധിക്കുന്നതായും സർക്കാർ വൃത്തങ്ങൾ അറിയിച്ചു. മലിനീകരിക്കപ്പെട്ട കിണറുകൾ ശുചീകരിക്കുന്നതിന്​ സർക്കാർ ടെലിവിഷനിലൂടെ പൊതുജനങ്ങളുടെ സഹായം തേടിയിട്ടുണ്ട്​.

പ്രളയത്തിൽ കാണാതായ 110​ േപർക്കായി സൈന്യവും രക്ഷാപ്രവർത്തകരും തിരച്ചിൽ തുടരുകയാണ്​. കാറ്റി​​​െൻറ ശക്​തി കുറഞ്ഞിട്ടുണ്ടെങ്കിലും മഴ ദുരന്തബാധിത മേഖലയിൽ തുടരുന്നത്​ രക്ഷാപ്രവർത്തനത്തെ ബാധിക്കുന്നുണ്ട്​. നദികളിൽ വെള്ളം കുത്തനെ കൂടിയതാണ്​ വെള്ളപ്പൊക്കം ഉണ്ടാക്കിയത്​. രക്ഷാപ്രവർത്തനത്തിന്​ അന്താരാഷ്​ട്ര സമൂഹത്തി​​​െൻറ സഹായം നേരത്തേ ശ്രീലങ്ക ആവശ്യപ്പെട്ടിരുന്നു. ഇന്ത്യൻ ​നാവിക സേനയുടെ മെഡിക്കൽ സംഘമടക്കമുള്ളവർ ദുരന്ത മേഖലയിൽ സേവനം ചെയ്യുന്നുണ്ട്​. മറ്റു രാജ്യങ്ങളും ശ്രീലങ്കക്ക്​  സഹായ വാഗ്​ദാനവുമായി രംഗത്തെത്തിയിട്ടുണ്ട്​.