അയോഗ്യത: നവാസ്​ ശരീഫ്​ സമർപ്പിച്ച ഹരജി സുപ്രികോടതി തള്ളി

ഇസ്​ലാമാബാദ്​: പാനമ​ േപപ്പേഴ്​സ്​ പുറത്തുവിട്ട അഴിമതിക്കേസിൽ അയോഗ്യനാക്കിയ നടപടി പുനഃപരിശോധിക്കണമെന്നാവശ്യപ്പെട്ട്​ പാക്​ മുൻ പ്രധാനമന്ത്രി നവാസ്​ ശരീഫ്​  സമർപ്പിച്ച ഹരജി സുപ്രീംകോടതി തള്ളി. ജൂ​ൈല 28ലെ സുപ്രീംകോടതി വിധി ചോദ്യംചെയ്​ത്​ ശരീഫും മക്കളായ മർയം, ഹസൻ, ഹുസൈൻ എന്നിവരും  ധനകാര്യമന്ത്രി  ഇഷ്​ക്​ ദാറും വെവ്വേറെ ഹരജികളാണ്​ സമർപ്പിച്ചത്​.

ജസ്​റ്റിസ്​ ആസിഫ്​ സെയ്​ദ്​ ഖോസയുടെ നേതൃത്വത്തിലുള്ള അഞ്ചംഗ ബെഞ്ചാണ്​ നവാസ്​ ​ശരീഫി​​​െൻറ  പുനഃപരിശോധന ഹരജി പരിഗണിച്ചത്​. ശരീഫിനെ അയോഗ്യനാക്കിയ അതേ അഞ്ചംഗ ബെഞ്ച്​ തന്നെയാണിത്​​. തിങ്കളാഴ്​ചയാണ്​ ഹരജി പരിഗണിക്കാനെടുത്തത്​. 

പുനഃപരിശോധന ഹരജി തള്ളുകയാണെന്ന്​ വ്യക്​തമാക്കിയ കോടതി ഇതി​​​െൻറ കാരണം പിന്നീട്​ അറിയിക്കുമെന്നും അറിയിച്ചു.  അതേസമയം, അടുത്തവർഷം നടക്കുന്ന  തെരഞ്ഞെടുപ്പിൽ മൂന്നിൽ രണ്ട്​ ഭൂരിപക്ഷം നേടി ശരീഫി​​െൻറ പാർട്ടി വിജയിച്ചാൽ രാഷ്​ട്രീയത്തിൽ ആജീവനാന്ത വിലക്കേർപ്പെടുത്തിയ കോടതിവിധിക്കെതിരെ ശരീഫിന്​  ഭരണഘടന ഭേഗഗതി കൊണ്ടുവരാൻ അധികാരമുണ്ട്​.

​അങ്ങനെ സംഭവിച്ചാൽ കുറഞ്ഞകാലത്തേക്കു മാത്രമായി വിലക്ക്​ ചുരുക്കാം. കോടതിയിൽ ശരീഫിനുവേണ്ടി അഡ്വ.  സൽമാൻ അക്രം രാജയാണ്​ ഹാജരായത്​. ഒരിക്കലും കൈപ്പറ്റാ​ത്ത ശമ്പളത്തി​​െൻറ വിവരങ്ങൾ ശരീഫിന്​ കോടതിയിൽ ബോധിപ്പിക്കാൻ കഴിയില്ലെന്നും  ഇത്​  അയോഗ്യനാക്കാനുള്ള മതിയായ കാരണമല്ലെന്നും അഭിഭാഷകൻ വാദിച്ചു. എന്നാൽ, കോടതി ഇൗ വാദം അംഗീകരിച്ചില്ല.