ഉന്നത ഉത്തര കൊറിയൻ ഉദ്യോഗസ്​ഥൻ ദക്ഷിണ കൊറിയ സന്ദർശിക്കും 

സോൾ: ശൈത്യ കാല ഒളിമ്പിക്​സി​​​െൻറ ഭാഗമായി ഉത്തര കൊറിയയുടെ സെറിമോണിയൽ ഹെഡ്​ കിം യോങ്​ നാം ദക്ഷിണ കൊറിയ സന്ദർശിക്കും. വർഷങ്ങൾക്ക്​ ശേഷം ദക്ഷിണ കൊറിയയിൽ പോകുന്ന ഉന്നത ഉത്തര കൊറിയൻ ഉദ്യോഗസ്​ഥനായിരിക്കും​ കിം. മൂന്ന്​ ദിവസത്തെ സന്ദർശനത്തിനാണ്​ കിം അയൽ രാജ്യത്തെത്തുന്നത്​. 

ദക്ഷിണ കൊറിയയിൽ നടക്കുന്ന ഒളിമ്പിക്​സി​​​െൻറ ഭാഗമായി നയതന്ത്ര തലത്തിലുള്ള സൗഹൃദം പുനഃസ്​ഥാപിക്കലാണ്​ പ്രധാന ലക്ഷ്യം. വെള്ളിയാഴ്​ചയാണ്​ ഒളിമ്പിക്​സ്​​ ആഘോഷങ്ങളുടെ ആരംഭം. കിം യോങ്ങും മറ്റ്​ ഉത്തര കൊറിയൻ ഉദ്യോഗസ്​ഥരും ആഘോഷങ്ങളിലും പ​െങ്കടുത്തേക്കും. മാസങ്ങൾക്ക്​ മുമ്പ്​ വരെ സമാധാനപരമായ ഒളിമ്പിക്​സിനായുള്ള പരിശ്രമത്തിന്​ മുന്നോട്ട്​ വരാതിരുന്ന ഉത്തരകൊറിയ കിങ്​ ജോങ്​ ഉന്നി​​​െൻറ പുതുവർഷ പ്രസംഗത്തിന്​ ശേഷമാണ്​ നിലപാട്​ മാറ്റിയത്​.

അതേ സമയം ഇത്​ ഒളിമ്പിക്​സ്​ മുന്നിൽ കണ്ടുള്ള താൽകാലിക സൗഹൃദം മാത്രമാണെന്നും ഇതിന്​ നിലനിൽപില്ലെന്നുമാണ്​ വിദഗ്​ധരുടെ അഭിപ്രായം. 

കഴിഞ്ഞ വർഷം ഉത്തര കൊറിയ നടത്തിയ ആയുധ പരീക്ഷണങ്ങൾ ഇരു രാജ്യങ്ങൾക്കുമിടയിൽ പ്രതിസന്ധി സൃഷ്​ടിച്ചിരുന്നു. ഭൂഖണ്ഡാന്തര ബാലിസ്​റ്റിക്​ മിസൈലുകൾ പരീക്ഷിച്ചതും അമേരിക്കയടക്കമുള്ള ലോക രാജ്യങ്ങൾക്കിടയിൽ ചർച്ചക്ക്​ വഴിവെച്ചു.