ഇ​ന്തോ​നേ​ഷ്യയിൽ അ​ഗ്​​നി​പ​ർ​വ​ത സ്​​ഫോ​ട​നം; ബാ​ലി വി​മാ​ന​ത്താ​വ​ളം അ​ട​ച്ചു

ജ​കാ​ർ​ത്ത: മൗ​ണ്ട്​ അ​ഗു​ങ്​ അ​ഗ്​​നി​പ​ർ​വ​തം പൊ​ട്ടി​​ത്തെ​റി​ച്ച​തി​നെ തു​ട​ർ​ന്ന്​ ഇ​ന്തോ​നേ​ഷ്യ​യി​ലെ  വി​നോ​ദ​സ​ഞ്ചാ​ര ദ്വീ​പാ​യ ബാ​ലി​യി​ലെ വി​മാ​ന​ത്താ​വ​ളം അ​ട​ച്ചു. 2500 മീ​റ്റ​ർ ദൂ​ര​പ​രി​ധി​വ​രെ ചാ​ര​വും പു​ക​യും വ​മി​ക്കു​ന്ന​താ​യി  റി​പ്പോ​ർ​ട്ടു​ക​ൾ പ​റ​യു​ന്നു. വെ​ള്ളി​യാ​ഴ്​​ച പു​ല​ർ​ച്ച​യാ​ണ്​ വി​മാ​ന​ത്താ​വ​ളം അ​ട​ച്ച​ത്. 450ഒാ​ളം ​ വി​മാ​ന​ങ്ങ​ൾ റ​ദ്ദാ​ക്കി. 75,000ത്തോ​ളം പേ​രെ ഇ​ത് ബാ​ധി​ക്കു​മെ​ന്ന്​ പ​റ​യ​പ്പെ​ടു​ന്നു. 

ആ​ഞ്ഞ​ടി​ക്കു​ന്ന കാ​റ്റി​ൽ ചാ​രം തെ​ക്കു പ​ടി​ഞ്ഞാ​റ​ൻ ദ്വീ​പാ​യ ജാ​വ​വ​രെ എ​ത്തു​മെ​ന്നും ​ഇ​ത്​ വി​മാ​ന​ങ്ങ​ൾ​ക്ക്​ വ​ൻ ഭീ​ഷ​ണി​യു​യ​ർ​ത്തു​മെ​ന്നും എ​ൻ​ജി​നു​ക​ൾ ക​ത്തി​പ്പോ​കാ​ൻ വ​രെ സാ​ധ്യ​ത​യു​ണ്ടെ​ന്നും ആ​സ്​​ട്രേ​ലി​യ​യി​ലെ ഡാ​ർ​വി​നി​ലു​ള്ള ‘റീ​ജ​ന​ൽ വോ​ൾ​കാ​നി​ക്​ ആ​ഷ്​ അ​ഡ്വൈ​സ​റി സ​​െൻറ​ർ’ മു​ന്ന​റി​യി​പ്പ്​ ന​ൽ​കി.  ഇ​ന്തോ​നേ​ഷ്യ​യി​ലെ ഏ​റ്റ​വും കൂ​ടു​ത​ൽ ആ​ളു​ക​ൾ താ​മ​സി​ക്കു​ന്ന ദ്വീ​പാ​ണ്​ ജാ​വ. 

വ്യാ​ഴാ​ഴ്​​ച​യാ​ണ്​ അ​ഗ്​​നി​പ​ർ​വ​തം പു​ക​യും ചാ​ര​വും തു​പ്പി​ത്തു​ട​ങ്ങി​യ​ത്. ബാ​ലി​യി​ലെ വി​നോ​ദ​സ​ഞ്ചാ​ര കേ​ന്ദ്ര​മാ​യ ‘കു​റ്റാ’​യി​ൽ​നി​ന്ന്​ 70 കി.​മീ​റ്റ​ർ മാ​ത്രം അ​ക​ലെ​യാ​ണ്​ ഇ​ത്​ സ്​​ഥി​തി​ചെ​യ്യു​ന്ന​ത്. 1963ൽ ​ഉ​ണ്ടാ​യ അ​വ​സാ​ന സ്​​ഫോ​ട​ന​ത്തി​ൽ 1,100ലേ​റെ പേ​ർ ​െകാ​ല്ല​പ്പെ​ട്ടി​രു​ന്നു. വീ​ണ്ടും സ​്​​േ​ഫാ​ട​ന​ത്തി​നു​ള്ള സാ​ധ്യ​ത​ക​ൾ ക​ണ്ട​തി​നെ​തു​ട​ർ​ന്ന്​ ആ​യി​ര​ക്ക​ണ​ക്കി​നു​ പേ​രെ ക​ഴി​ഞ്ഞ​വ​ർ​ഷം പ​രി​സ​ര​ത്തു​നി​ന്ന്​ ഒ​ഴി​പ്പി​ച്ചി​രു​ന്നു.