പാകിസ്​താനി​െൻറ മാറ്റത്തിനു വേണ്ടി പി.ടി.​െഎക്ക്​ വോട്ട​ുചെയ്യണം- ഇമ്രാൻ ഖാൻ

ലാഹോർ: പാകിസ്​താ​​​െൻറ വിധി മാറ്റുന്നതിന്​ വേണ്ടി ജനങ്ങൾ വോട്ട്​ വിനിയോഗിക്കണമെന്ന്​ ക്രിക്കറ്റ്​ മുൻതാരവും പാകിസ്​താൻ തെഹ്​രീകെ ഇൻസാഫ്​ പാർട്ടി അധ്യക്ഷനുമായ ഇമ്രാൻ ഖാൻ. രാജ്യത്തി​​​െൻറ വിധി മാറ്റിയെഴുതുന്നതിന്​ ജനങ്ങൾ മുന്നിട്ടിറങ്ങണം. മാറ്റത്തിനായി പി.ടി.​െഎക്ക്​ വോട്ടുചെയ്യണമെന്നും അദ്ദേഹം തെരഞ്ഞെടുപ്പ്​ റാലിയിൽ ആവശ്യപ്പെട്ടു.

മുൻ പ്രധാനമന്ത്രി നവാസ്​ ശരീഫി​​​െൻറ കുടുംബം പാകിസ്​താനെ കൊള്ളയടിച്ച്​ വിദേശത്തേക്ക്​ കടന്നു. യു.എസ്​ ഡോളറുമായുള്ള പാക്​ രൂപ മൂല്യം അഞ്ചിൽ നിന്ന്​ 130 ആയാണ്​ ഇടിഞ്ഞത്​. അത്തരത്തിൽ ശരീഫി​​​െൻറ മക്കൾ കോടിപതികള​ും ജനങ്ങൾ ദരിദ്രരുമായി.  ഇന്ന്​ ​ശരീഫും മകൾ മറിയവും ആഡിയാല ജയിലിൽ കൊതുകുകടിയേൽക്കുന്നുവെന്നും എയർ കണ്ടീഷനില്ലാത്തതിനാൽ ചൂടാണെന്നും പരാതി പറയുന്നു. രാജ്യത്ത്​ വികസനപ്രവർത്തനങ്ങളൊന്നും നടന്നിട്ടില്ലെന്നും ഇമ്രാൻ ആരോപിച്ചു. 

ബുധനാഴ്​ചയാണ്​ പാകിസ്​താനിൽ ​വോ​െട്ടടുപ്പ്​ നടക്കുന്നത്​.