ഗൂഗ്​ളിനും ഫേസ്​ബുക്കിനുമെതിരെ നിയമം പാസാക്കി ആസ്​ട്രേലിയ; വാർത്തകൾക്ക്​ പണം ഒടുക്കണം

സിഡ്​നി: ഗൂഗി​ളും ഫേസ്​ബുക്കും നൽകുന്ന വാർത്തകൾക്ക്​ പണം നൽകണമെന്ന നിയമത്തിന്​ അംഗീകാരം നൽകി ആസ്​ട്രേലിയ. അമേരിക്കൻ ​ടെക്​നോളജി ​ഭീമന്മാരായ ഇരു കമ്പനികളുമായി ഏറെയായി തുടരുന്ന സംഘട്ടനത്തിനാണ്​ ഒടുവിൽ നിയമത്തി‍െൻറ പിൻബലം ലഭിക്കുന്നത്​. നിയമം നടപ്പാക്കാനൊരുങ്ങുന്നതിൽ പ്രതിഷേധിച്ച്​ കഴിഞ്ഞയാഴ്ച ആസ്​ട്രേലിയക്കാർക്ക്​ ഫേസ്​ബുക്​​ വാർത്തകൾ വിലക്കിയിരുന്നു.

സർക്കാറുമായി ചർച്ചകൾക്കൊടുവിൽ കഴിഞ്ഞ ദിവസമാണ്​ വീണ്ടും ഫേസ്​ബുക്കിൽ ലഭ്യമാക്കിത്തുടങ്ങിയത്​. ചർച്ചകൾ പ്രകാരം, സർക്കാർ നിയമങ്ങൾക്ക്​ പൂർണമായി ഗൂഗി​ളും ഫേസ്​ബുക്കും വഴങ്ങേണ്ടിവരില്ല.

എന്നാൽ, ലാഭ വിഹിതത്തി‍െൻറ നിശ്ചിത ശതമാനം നൽകാൻ സന്നദ്ധമാണെന്ന്​ ഇരു കമ്പനികളും അറിയിച്ചിട്ടുണ്ട്​. ഡിജിറ്റൽ വേദികളിൽ വാർത്ത ലഭ്യമാക്കുന്നതിന്​ പണം ഈടാക്കുന്നത്​ മറ്റു രാജ്യങ്ങളും ആലോചിച്ചുവരുന്നുണ്ട്​. ആസ്​ട്രേലിയയിൽ ഇരു കമ്പനികളും പണം നൽകാമെന്ന്​ അംഗീകരിക്കുന്നത്​ ഇവയെ കൂടി നിയമ നിർമാണത്തിന്​ പ്രേരിപ്പിക്കുമെന്നാണ്​ സൂചന.