ചൂടേറിയ ലോകം കൂടുതൽ അക്രമാസക്തം; യു.എന്നിൽ മുന്നറിയിപ്പുമായി ലോകനേതാക്കൾ

യുനൈറ്റഡ്​ നേഷൻസ്​: ഉയരുന്ന താപനില ലോകരാജ്യങ്ങളെ കൂടുതൽ അസ്​ഥിരവും ആക്രമണോത്സുകവുമാക്കുമെന്ന്​ മുന്നറിയിപ്പ്​.മൂന്നു ലോക രാഷ്​ട്രത്തലവന്മാരും ഏഴു വിദേശകാര്യ മന്ത്രിമാരുമാണ്​ ചൂട്​ ആക്രമണങ്ങൾക്കും കാരണമാകുമെന്ന്​ യു.എൻ രക്ഷാസമിതിയിൽ വ്യക്തമാക്കിയത്​​. കാലാവസ്​ഥ വ്യതിയാനവും ആഗോളതാപനവും തടയാനുള്ള നടപടികൾ യു.എൻ സമാധാനപാലനത്തി​െൻറ മുഖ്യ ഭാഗമാക്കണമെന്നും യോഗത്തിൽ അവർ ആവശ്യപ്പെട്ടു.

ചൂട്​ കൂടിവരുന്നത്​ ലോകത്ത്​ സുരക്ഷിതത്വം കുറക്കുമെന്ന്​ ആഫ്രിക്കയിലെ സംഘർഷമേഖലയായ സഹേൽ, സിറിയ, ഇറാഖ്​ എന്നീ രാജ്യങ്ങളെയും ചൂണ്ടിക്കാട്ടി നേതാക്കൾ മുന്നറിയിപ്പു നൽകി. ലോകത്തി​െൻറ വിവിധ ഭാഗങ്ങളിൽ സംഘർഷങ്ങൾ ആളിക്കത്തിക്കാൻ കാലാവസ്​ഥ വ്യതിയാനം കാരണമായിട്ടുണ്ടെന്ന്​ യോഗത്തിൽ അധ്യക്ഷത വഹിച്ച ​അയർലൻഡ്​ പ്രസിഡൻറ്​ മൈക്കിൾ മാർട്ടിൻ അഭിപ്രായപ്പെട്ടു. വെടിവെപ്പുകളില്ലാത്ത യുദ്ധമാണ്​ കാലാവസ്​ഥ വ്യതിയാനമെന്നും ഇതുമൂലം സമ്പദ്​വ്യവസ്​ഥ അവതാളത്തിലാകുമെന്നും നിരവധി ജീവനുകൾ നഷ്​ടപ്പെടുമെന്നും വിയറ്റ്​നാം പ്രസിഡൻറ്​ ഗുയെൻ ക്​സാൻ ഫുക്​ പറഞ്ഞു.

'സംഘർഷഭൂമികളിൽ കാലാവസ്​ഥ വ്യതിയാനം കൂടുതൽ ബാധിക്കും. ഉദാഹരണമായി അന്തരീക്ഷത്തിൽ ചൂട്​ വർധിക്കു​േമ്പാൾ വെള്ളംപോലുള്ള പ്രകൃതിവിഭവങ്ങൾ ​ഇല്ലാതാകും. ഇത്​ ദുരിതം ഇരട്ടിയാക്കും' -യു.എൻ സെക്രട്ടറി ജനറൽ അ​േൻറാണിയോ ഗു​ട്ടെറസ്​ വ്യക്തമാക്കി.

2007ലാണ്​ കാലാവസ്​ഥ വ്യതിയാനത്തി​െൻറ അനന്തരഫലങ്ങളെക്കുറിച്ച്​ രക്ഷാസമിതി ആദ്യമായി ചർച്ചചെയ്യുന്നത്​. അതിനുശേഷം ഒരുപാട്​ യോഗങ്ങളിൽ ഈ വിഷയം വന്നു. എന്നാൽ, അംഗങ്ങൾക്കിടയിലെ വിഭാഗീയതമൂലം ഒരിക്കലും രക്ഷാസമിതിയുടെ മുഖ്യവിഷയങ്ങളിലൊന്നായി കാലാവസ്​ഥ വ്യതിയാനം എത്തിയില്ല. അതിനാൽ അത്​ തടയാൻ നിയമപരമായ നടപടികൾ സ്വീകരിക്കാനോ പ്രമേയങ്ങൾ പാസാക്കാനോ സാധിച്ചില്ല.

സിറിയ, മാലി, യമൻ, ദക്ഷിണ സുഡാൻ, ഇത്യോപ്യ തുടങ്ങിയ രാജ്യങ്ങളിലെ അസ്​ഥിരതയെക്കുറിച്ചാണ്​ യു.എസ്​ വിദേശകാര്യ സെക്രട്ടറി ആൻറണി ബ്ലി​ങ്കെൻ സംസാരിച്ചത്​. കാലാവസ്​ഥ വ്യതിയാനം ഈ രാജ്യങ്ങളെ കൂടുതൽ വെല്ലുവിളികളിലേക്ക്​​ തള്ളിവിടുന്നതായും അ​േദ്ദഹം നിരീക്ഷിച്ചു. അതിനാൽതന്നെ ഇതേക്കുറിച്ചുള്ള ചർച്ചകൾ നിർത്തി പരിഹാരം തേടാനുള്ള സമയമായെന്നും അദ്ദേഹം ഓർമിപ്പിച്ചു. ചൈന, റഷ്യ തുടങ്ങിയ രാജ്യങ്ങളുടെ പ്രതിനിധികളും കാലാവസ്​ഥ വ്യതിയാനത്തി​െൻറ ദൂഷ്യവശങ്ങൾ ശരിവെച്ചു.