ബംഗ്ലാദേശ് സംഘർഷം:30 പേർ കസ്റ്റഡിയിൽ

ധാ​ക്ക: ബം​ഗ്ലാ​ദേ​ശി​ൽ പ്ര​മു​ഖ ഹി​ന്ദു​മ​ത നേ​താ​വ് ചി​ന്മ​യ് കൃ​ഷ്ണ​ദാ​സി​ന്റെ അ​റ​സ്റ്റി​നെ ചൊ​ല്ലി​യു​ള്ള സം​ഘ​ർ​ഷ​ത്തി​നി​ടെ അ​ഭി​ഭാ​ഷ​ക​ൻ കൊ​ല്ല​പ്പെ​ട്ട സം​ഭ​വ​ത്തി​ൽ 30 പേ​ർ ക​സ്റ്റ​ഡി​യി​ൽ. ചി​റ്റ​ഗോ​ങ്ങി​ലെ പ്ര​തി​ഷേ​ധ​ത്തി​നി​ടെ 30കാ​ര​നാ​യ സെ​യ്ഫു​ൽ ഇ​സ്‍ലാം എ​ന്ന അ​ഭി​ഭാ​ഷ​ക​ൻ കൊ​ല്ല​പ്പെ​ട്ട സം​ഭ​വ​ത്തി​ലാ​ണ് അ​റ​സ്റ്റ്.

കൊ​ല​പാ​ത​ക​ത്തി​നു പു​റ​മെ സു​ര​ക്ഷ ഉ​ദ്യോ​ഗ​സ്ഥ​രെ ആ​ക്ര​മി​ച്ച കേ​സും ഇ​വ​ർ​ക്കെ​തി​രെ ചു​മ​ത്തി​യി​ട്ടു​ണ്ട്. ബം​ഗ്ലാ​ദേ​ശ് അ​ർ​ധ​സൈ​നി​ക വി​ഭാ​ഗ​വും പൊ​ലീ​സും ചേ​ർ​ന്ന് ന​ട​ത്തി​യ റെ​യ്ഡി​ലാ​ണ് ഇ​ത്ര​യും പേ​രെ ക​സ്റ്റ​ഡി​യി​ലെ​ടു​ത്ത​ത്. ഇ​വ​രു​ടെ പ​ങ്ക് അ​ന്വേ​ഷി​ച്ച​ശേ​ഷം അ​റ​സ്റ്റ് രേ​ഖ​പ്പെ​ടു​​ത്തു​മെ​ന്ന് ചി​റ്റ​ഗോ​ൾ പൊ​ലീ​സ് അ​ഡീ​ഷ​ന​ൽ ക​മീ​ഷ​ണ​ർ ഖാ​സി മു​ഹ​മ്മ​ദ് പ​റ​ഞ്ഞു. അ​ക്ര​മ​ത്തി​ന്റെ പ​ശ്ചാ​ത്ത​ല​ത്തി​ൽ തു​റ​മു​ഖ ന​ഗ​ര​മാ​യ ചി​റ്റ​ഗോ​ങ്ങി​ൽ സു​ര​ക്ഷ ക​ർ​ശ​ന​മാ​ക്കാ​ൻ ഇ​ട​ക്കാ​ല ഭ​ര​ണ മു​ഖ്യ ഉ​പ​ദേ​ഷ്ടാ​വ് മു​ഹ​മ്മ​ദ് യൂ​നു​സ് നി​ർ​ദേ​ശം ന​ൽ​കി.

റാ​ലി​യി​ൽ പ​​ങ്കെ​ടു​ക്കാ​നാ​യി പു​റ​പ്പെ​ട്ട കൃ​ഷ്ണ​ദാ​സി​നെ ധാ​ക്ക​യി​ലെ ഹ​സ്റ​ത്ത് ഷാ​ഹ്‍ജ​ലാ​ൽ വി​മാ​ന​ത്താ​വ​ള​ത്തി​ൽ​നി​ന്ന് ക​ഴി​ഞ്ഞ ദി​വ​സ​മാ​ണ് അ​റ​സ്റ്റ് ചെ​യ്ത​ത്. ജാ​മ്യം നി​ഷേ​ധി​ച്ച് ജ​യി​ല​ല​ട​ച്ച​തി​നെ​തി​രെ തു​ട​ങ്ങി​യ സം​ഘ​ർ​ഷ​ത്തി​ലാ​ണ് അ​ഭി​ഭാ​ഷ​ക​ൻ കൊ​ല്ല​പ്പെ​ടു​ന്ന​ത്. 10 പൊ​ലീ​സു​കാ​ര​ട​ക്കം 37 പേ​ർ​ക്ക് പ​രി​ക്കേ​റ്റു. ബം​ഗ്ലാ​ദേ​ശി​ലെ ‘ഇ​സ്കോ​ൺ’ സം​ഘ​ട​ന​യി​ൽ അം​ഗ​മാ​യി​രു​ന്നു കൃ​ഷ്ണ​ദാ​സ്. പി​ന്നീ​ട് പാ​ർ​ട്ടി​ക്ക് പു​റ​ത്താ​യി. അ​റ​സ്റ്റി​നെ സം​ഘ​ട​ന അ​പ​ല​പി​ച്ചു. ദേ​ശീ​യ​പ​താ​ക​യെ അ​പ​മാ​നി​ച്ചെ​ന്ന കേ​സി​ലാ​ണ് അ​റ​സ്റ്റ്.