താലിബാനെ വിശ്വസിക്കരുത്​; ചൈ​​നയോട്​ അഫ്​ഗാന്‍റെ മുന്നറിയിപ്പ്​

ബെയ്​ജിങ്​: താലിബാനെ വിശ്വസിക്കരുതെന്ന്​ ​ചൈനയിലെ അഫ്​ഗാൻ അംബാസിഡർ ജാവിദ്​ അഹ്​മദ്​ ഖയീം. താലിബാൻ വാഗ്​ദാനങ്ങൾ പാലിക്കില്ലെന്നും അംബാസിഡർ ചൈനക്ക്​ മുന്നറിയിപ്പ്​ നൽകി.

അഫ്​ഗാനിസ്​താനിലെ രാഷ്​ട്രീയസംഘർഷങ്ങളിൽ പിന്തുണതേടി നേതാവ്​ മുല്ല അബ്​ദുൽ ഗനി ബറാദർ അഖുന്ദി​െൻറ നേതൃത്വത്തിൽ ഒമ്പതംഗ താലിബാൻ സംഘം ചൈനയിലെത്തി ഒരാഴ്ച കഴിഞ്ഞതിന്​ പിന്നാലെയാണ്​ അഫ്​ഗാനിസ്​താന്‍റെ പ്രതികരണം.

അന്താരാഷ്​ട്ര വാർത്ത ഏജൻസിയായ റോയി​േട്ടഴ്​സിന്​ നൽകിയ അഭിമുഖത്തിലാണ്​ അംബാസിഡറുടെ പ്രതികരണം. ചൈന താലിബാന്‍റെ വാഗ്​നാനങ്ങൾ വിശ്വസിച്ചുവെന്ന്​ ഞാൻ കരുതില്ല. സോവിയറ്റ്​ അധിനിവേശ കാലത്തും അമേരിക്കൻ അധിനിവേശ കാലത്തും അഫ്​ഗാനികൾ തന്നെ അഫ്​ഗാൻ ഭരിക്ക​ട്ടെ എന്ന നിലപാടായിരുന്നു ചൈനയുടേത്​. ഇപ്പോൾ മധ്യസ്ഥത വഹിക്കണമെന്നാണ് ചൈനീസ്​​ നിലപാടെന്നും അംബാസിഡർ പറഞ്ഞു.

പടിഞ്ഞാറൻ നഗരമായ തിയാൻജിനിൽ താലിബാൻ സംഘം വിദേശകാര്യമന്ത്രി വാങ്​ യിയുമായി കൂടിക്കാഴ്​ച നടത്തിയത്​ ചൈന സ്​ഥിരീകരിച്ചിരുന്നു. കൂടിക്കാഴ്​ചയിൽ അഫ്​ഗാനിലെ സുരക്ഷാപ്രശ്​നങ്ങളും സമാധാനം പുനഃസ്​ഥാപിക്കാനുള്ള നടപടികളും ചർച്ചയായതായി താലിബാൻ വക്​താവ്​ മുഹമ്മദ്​ നഈം അറിയിച്ചിരുന്നു.

അഫ്​ഗാനിസ്​താ​െൻറ പുനരുദ്ധാരണത്തിലും രാജ്യത്ത്​ സമാധാനം പുനഃസ്​ഥാപിക്കാനുള്ള അനുരഞ്​ജന ശ്രമങ്ങളിലും താലിബാന്​ മുഖ്യ പങ്കുവഹിക്കാനുണ്ടെന്ന്​ വാങ്​ യി അഭിപ്രായപ്പെട്ടു. രാജ്യത്തെ സംഘർഷം സമാധാനപരമായി പരിഹരിക്കാൻ എല്ലാ സഹായങ്ങളും ചൈന ഉറപ്പുനൽകിയിട്ടുണ്ട്​.

കിഴക്കൻ തുർക്കിസ്​താനിൽ ഉയരുന്ന ഇസ്​ലാമിക പ്രസ്​ഥാനങ്ങൾ ഭീഷണിയാകുമെന്നതിനാൽ അതില്ലാതാക്കാൻ താലിബാ​െൻറ സഹായം പ്രതീക്ഷിക്കുന്നതായും വാങ്​ യി കൂടിക്കാഴ്​ചയിൽ അറിയിച്ചു. ചൈനയിലെ സിൻജ്യങ്​ മേഖലയിൽ വിഘടനവാദ സംഘങ്ങൾ സജീവമാവുകയാണെന്നും അയൽരാജ്യമായ അഫ്​ഗാൻ കേന്ദ്രീകരിച്ചുള്ള ചില പ്രവർത്തനങ്ങൾ ചൈനയുടെ സുരക്ഷക്ക്​ ഭീഷണി സൃഷ്​ടിക്കുമെന്ന ആശങ്കയും അ​േദ്ദഹം പങ്കുവെച്ചു.

അഫ്​ഗാനിൽ ഭരണം ഉറപ്പിച്ചു കഴിഞ്ഞാൽ മറ്റൊരു രാജ്യത്തി​െൻറ ആഭ്യന്തരകാര്യത്തിൽ ഇടപെടില്ലെന്ന്​ താലിബാൻ വ്യക്തമാക്കിയിട്ടുണ്ട്​. സിൻജ്യങ്​ പ്രവിശ്യയിലെ ഉയ്​ഗൂർ മുസ്​ലിംകൾക്ക്​ താലിബാൻ അഭയം നൽകു​േമാ എന്ന ആശങ്കയിലായിരുന്നു ചൈന. അഫ്​ഗാനെ മറ്റു രാജ്യങ്ങളുടെ സുരക്ഷക്ക്​ എതിരായി ഉപയോഗിക്കില്ലെന്നും താലിബാൻ ചൈനക്ക്​ ഉറപ്പു നൽകി.

അഫ്​ഗാൻ ഭരണകൂടവും താലിബാനും തമ്മിലുള്ള സംഘർഷത്തിൽ നിർണായക ഇടപെടലാണ്​ ചൈനയുടെത്​ എന്നാണ്​ വിലയിരുത്തൽ. അഫ്​ഗാനിൽ യു.എസ്​ പിൻമാറ്റം പ്രഖ്യാപിച്ച സാഹചര്യത്തിലാണ്​ ചൈനയുടെ ഇടപെടൽ.