ട്രംപിനെ അഭിനന്ദനമറിയിച്ച് ബൈഡനും കമലയും; വൈറ്റ് ഹൗസിലേക്ക് ക്ഷണിച്ചു

വാഷിങ്ടൺ ഡി.സി: യു.എസ് പ്രസിഡന്‍റ് തെരഞ്ഞെടുപ്പിൽ വിജയിച്ച റിപ്പബ്ലിക്കൻ സ്ഥാനാർഥിയും മുൻ പ്രസിഡന്‍റുമായ ഡോണൾഡ് ട്രംപിനെ അഭിനന്ദനമറിയിച്ച് പ്രസിഡന്‍റ് ജോ ബൈഡനും തെരഞ്ഞെടുപ്പിലെ എതിരാളികൂടിയായ വൈസ് പ്രസിഡന്‍റ് കമല ഹാരിസും. ട്രംപിനെ ജോ ബൈഡൻ ഫോണിലൂടെ അഭിനന്ദനമറിയിച്ചതായും ഔദ്യോഗിക വസതിയിലേക്ക് ക്ഷണിച്ചതായും വൈറ്റ് ഹൗസ് പ്രസ്താവനയിൽ അറിയിച്ചു. വാശിയേറിയ പോരാട്ടം കാഴ്ചവെച്ചതിന് കമല ഹാരിസിനെയും ബൈഡൻ അഭിനന്ദിച്ചു.

കമല ഹാരിസ് ഇന്നലെ ട്രംപിനെ ഫോണിലൂടെ അഭിനന്ദനമറിയിച്ചു. അധികാരക്കൈമാറ്റം സുഗമമായി നടത്തുന്നത് സംബന്ധിച്ച് കമല സംസാരിച്ചു. എല്ലാ അമേരിക്കക്കാരുടെയും പ്രസിഡന്‍റാകാൻ ട്രംപിന് സാധിക്കട്ടെയെന്നും കമല പറഞ്ഞു.

അ​മേ​രി​ക്ക​യു​ടെ 60ാമ​ത് പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ ആ​ധി​കാ​രി​ക ജ​യമാണ് ട്രംപ് സ്വന്തമാക്കിയത്. പ്ര​ചാ​ര​ണ​ത്തി​ന്റെ അ​വ​സാ​ന​ഘ​ട്ട​ത്തി​ൽ, ‘ഇ​ഞ്ചോ​ടി​ഞ്ച്’ എ​ന്ന് പ്ര​വ​ചി​ക്ക​പ്പെ​ട്ട മ​ത്സ​ര​ത്തി​ൽ നി​ർ​ണാ​യ​ക സം​സ്ഥാ​ന​ങ്ങ​ളി​ല​ട​ക്കം ട്രം​പി​ന് അ​നു​കൂ​ല​മാ​യ ജ​ന​വി​ധി​യു​ണ്ടാ​യി. ആ​കെ​യു​ള്ള 538 ഇ​ല​ക്ട​റ​ൽ കോ​ള​ജി​ലേ​ക്കു​ള്ള തെ​ര​ഞ്ഞെ​ടു​പ്പി​ൽ 17 എ​ണ്ണ​ത്തി​ന്റെ ഫ​ലം പു​റ​ത്തു​വ​രാ​നി​രി​ക്കെ, ട്രം​പ് 295 എ​ണ്ണ​ത്തി​ൽ വി​ജ​യി​ച്ചു. 270 ആ​ണ് കേ​വ​ല​ഭൂ​രി​പ​ക്ഷ​ത്തി​നു​വേ​ണ്ട ഇ​ല​ക്ട​റ​ൽ കോ​ള​ജു​ക​ളു​ടെ എ​ണ്ണം. 226 സീറ്റിലാണ് കമല മുന്നിൽ. ജ​ന​പ്ര​തി​നി​ധി സ​ഭ​യി​ലേ​ക്കും സെ​ന​റ്റി​​ലേ​ക്കും ന​ട​ന്ന തെ​ര​ഞ്ഞെ​ടു​പ്പു​ക​ളി​ലും റി​പ്പ​ബ്ലി​ക്ക​ൻ പാ​ർ​ട്ടി​ക്കാ​ണ് ആ​ധി​പ​ത്യം.

അ​മേ​രി​ക്ക​ക്ക് ഇ​നി സു​വ​ർ​ണ​കാ​ലമാണെന്ന് തെരഞ്ഞെടുപ്പ് വിജയത്തിന് പിന്നാലെ ട്രംപ് പ്രതികരിച്ചു. അ​മേ​രി​ക്ക​യെ വീ​ണ്ടും മ​ഹ​ത്ത​ര​മാ​ക്കാ​നു​ള്ള ജ​ന​വി​ധി​യാ​ണി​ത്. ഇ​ത്ത​ര​മൊ​രു മു​ന്നേ​റ്റം മു​മ്പ് ക​ണ്ടി​ട്ടി​ല്ല. എ​ക്കാ​ല​ത്തെ​യും മി​ക​ച്ച രാ​ഷ്ട്രീ​യ മു​ന്നേ​റ്റ​മാ​ണ് ഇ​തെ​ന്ന് വി​ശ്വ​സി​ക്കു​ന്നുവെന്നും ട്രംപ് പറഞ്ഞു. തെരഞ്ഞെടുപ്പിലെ ഔ​ദ്യോ​ഗി​ക ഫ​ല പ്ര​ഖ്യാ​പ​നം 2025 ജ​നു​വ​രി ആ​റി​നാണുണ്ടാവുക.