കാബൂൾ വിമാനത്താവളത്തിൽ 36 മണിക്കൂറിനകം വീണ്ടും ഭീകരാക്രമണ സാധ്യതയെന്ന് ബൈഡൻ

വാഷിങ്ടൺ: കാബൂൾ വിമാനത്താവളത്തിൽ വീണ്ടും ഭീകരാക്രമണ സാധ്യതയുണ്ടെന്ന മുന്നറിയിപ്പുമായി യു.എസ് പ്രസിഡൻറ് ജോ ബൈഡൻ. 24 മുതൽ 36 മണിക്കൂറിനകം ആക്രമം ഉണ്ടായേക്കാമെന്ന വിവരമാണ് യു.എസ് പ്രസിഡൻറ് നൽകിയത്. സ്ഥിത അതീവ ഗുരുതരമായി തുടരുകയാണെന്നും വൈറ്റ് ഹൗസ് ഇറക്കിയ പത്രക്കുറിപ്പിൽ ബൈഡൻ പറയുന്നു.

Also Read:എ​ല്ലാ ജ​ന​വി​ഭാ​ഗ​ങ്ങ​ളെ​യും ഉ​ൾ​ക്കൊ​ള്ളുന്ന സർക്കാർ വരുമെന്ന്​ താലിബാൻ ​നേതാവ്​ അൽജസീറയോട്​

വ്യക്തവും വിശ്വസ യോഗ്യവുമായ ഭീഷണിയുണ്ടെന്നും വിമാനത്താവള ഗേറ്റിന് സമീപത്തുനിന്നും അമേരിക്കൻ പൗരൻമാർ ഉടൻ മാറണമെന്നും കാബൂളിലെ യു.എസ് എംബസി അറിയിച്ചു.

Also Read:ഞാനായിരുന്നു പ്രസിഡന്‍റെങ്കിൽ ഈ ദുരന്തം സംഭവിക്കില്ലായിരുന്നു -ട്രംപ്

അതേസമയം, വിമാനത്താവളത്തിൽ ചാവേർ ആക്രമണം നടത്തിയവർക്ക് ഇന്നലെ നൽകിയ തിരിച്ചടിയിൽ രണ്ടു ഭീകരരെ വധിച്ചതായി പെൻറഗൺ അറിയിച്ചു. എന്നാൽ, യു.എസ്. ആക്രമണത്തെ താലിബാൻ അപലപിച്ചു. ചാവേർ ആക്രമത്തിനു പിന്നിലെ ചിലരെ അറസ്റ്റ് ചെയ്തതായി താലിബാൻ പറഞ്ഞു.

നേരത്തെയുണ്ടായ ഇരട്ട ചാവേർ ആക്രമണത്തിന് മുമ്പും ബ്രി​ട്ട​​െൻറ​യും യു.​എ​സി​​െൻറ​യും മുന്നറിയിപ്പ് വന്നിരുന്നു.

ആ​ഗ​സ്​​റ്റ്​ 31ന​കം ഒ​ഴി​പ്പി​ക്ക​ൽ ദൗ​ത്യം പൂ​ർ​ത്തി​യാ​ക്കി വി​ദേ​ശ​രാ​ജ്യ​ങ്ങ​ൾ അ​ഫ്​​ഗാ​ൻ വി​ട​ണ​മെ​ന്നാണ്​ താ​ലി​ബാ​ൻ അ​ന്ത്യ​ശാ​സ​നം ന​ൽ​കി​യ​ിരിക്കുന്നത്. ഇതേതു​ട​ർ​ന്ന്​ കാ​ബൂ​ൾ വി​മാ​ന​ത്താ​വ​ള​ത്തി​ൽ അ​ഭൂ​ത​പൂ​ർ​വ​മാ​യ തി​ര​ക്കാ​ണ്​ ദി​വ​സ​ങ്ങ​ളാ​യി അ​നു​ഭ​വ​പ്പെ​ടു​ന്ന​ത്.