''മുസ്​ലിം യാത്രവിലക്ക്​' നീക്കി ബൈഡൻ; യു.എസ് വീണ്ടും ലോകാരോഗ്യ സംഘടനയിൽ

വാഷിങ്​ടൺ: മുൻഗാമി ഡോണൾഡ്​ ട്രംപി​െൻറ വിവാദ ഉത്തരവുകൾ ഒന്നൊന്നായി വെട്ടിത്തിരുത്തി യു.എസ്​ പ്രസിഡൻറ്​ ജോ ബൈഡൻ ജോലി തുടങ്ങി. കോവിഡ്​ നിയന്ത്രണവിധേയമാക്കുന്നതിനുള്ള അടിയന്തര നടപടികൾക്കാണ്​ മുൻഗണന. ഏഴ്​ മുസ്​ലിം ഭൂരിപക്ഷ രാജ്യങ്ങൾക്ക്​ അമേരിക്കയിലേക്ക്​ വിലക്കേർപ്പെടുത്തിയ നിയമം റദ്ദാക്കി.

ഉത്തരവിനു പിന്നാലെ ഈ രാജ്യങ്ങളിൽനിന്ന്​ യാത്ര പുനരാരംഭിക്കാൻ വിസ നടപടികൾക്ക്​ നിർദേശം നൽകി. ഇറാൻ, ലിബിയ, സോമാലിയ, ഇറാഖ്​, സുഡാൻ, സിറിയ, യമൻ എന്നീ രാജ്യങ്ങളിൽനിന്നുള്ളവർക്കാണ്​ ട്രംപ്​ ഭരണകൂടം യാത്രവിലക്ക്​ ഏർപ്പെടുത്തിയിരുന്നത്​. അനധികൃത കുടിയേറ്റക്കാരെ തടയാൻ മെക്​സിക്കൻ അതിർത്തിയിലെ മതിൽനിർമാണത്തിനുള്ള ഫണ്ട്​ മരവിപ്പിച്ചു.

പാരിസ്​ ഉടമ്പടിയിലേക്ക്​ തിരികെ പ്രവേശിക്കുന്നതിനും ലോകാരോഗ്യ സംഘടനയിൽ വീണ്ടും അംഗമാകുന്നതിനുമുള്ള ഉത്തരവുകളിലും ബൈഡൻ ഒപ്പിട്ടു. പരിസ്ഥിതിക്ക്​ ആഘാതമുണ്ടാക്കുന്നതെന്ന്​ കരുതുന്ന കീസ്​റ്റോൺ എക്​സ്​.എൽ പൈപ്പ്​ലൈൻ പദ്ധതി റദ്ദാക്കാനും ഉത്തരവിട്ടു.

മെക്​സിക്കോ അതിർത്തിയിൽ നേരത്തെ ട്രംപ്​ ഉത്തരവിട്ട മതിൽനിർമാണം നിർത്തിവെക്കാനും ബൈഡൻ നിർദശേിച്ചു.

കുടിയേറ്റം തടയാനെന്ന പേരിലായിരുന്നു വ്യാപക വിമർശനത്തിനിടയാക്കിയ മതിൽ നിർമാണം. മെക്​സിക്കൻ കുടിയേറ്റക്കാർ 'ബലാത്സംഗ വീരന്മാരും മയക്കുമരുന്ന്​ കടത്തുകാരുമാണെ'ന്നൂം ട്രംപ്​ കുറ്റപ്പെടുത്തി. നീക്കം ഇരു രാജ്യങ്ങളും തമ്മിലെ ബന്ധം വഷളാക്കിയിരുന്നു. ഉരുക്ക്​ മതിൽ നിർമാണം അടിയന്തരമായി നിർത്തിവെക്കാനുള്ള ഉത്തരവ്​ മെക്​​സിക്കോ സ്വാഗതം ചെയ്യുകയും ചെയ്​തു.

Latest Video: