ശതകോടീശ്വരൻമാർക്ക് പുതിയ നികുതിയുമായി ബൈഡൻ
text_fieldsവാഷിങ്ടൺ: ശതകോടീശ്വരൻമാർക്ക് പുതിയ നികുതി സമ്പ്രദായവുമായി യു.എസ് പ്രസിഡന്റ് ജോ ബൈഡൻ. 2023 ബജറ്റിൽ ഇതുസംബന്ധിച്ച പ്രഖ്യാപനമുണ്ടാവുമെന്നാണ് പ്രതീക്ഷിക്കുന്നത്. വൈറ്റ് ഹൗസ് കഴിഞ്ഞ ദിവസം പുറത്തിറക്കിയ രേഖയിലാണ് ഇതുസംബന്ധിച്ച സൂചനയുള്ളത്.
ശതകോടീശ്വരൻമാർക്ക് 20 ശതമാനം കുറഞ്ഞ നികുതി ഏർപ്പെടുത്താനാണ് തീരുമാനം. 100 മില്യൺ ഡോളറിൽ കൂടുതൽ ആസ്തിയുള്ളവരാണ് പുതിയ നികുതിയുടെ പരിധിയിൽ വരിക. ഏകദേശം 700ഓളം പേർ പുതിയ നികുതി സമ്പ്രദായത്തിന്റെ പരിധിയിലേക്ക് എത്തുമെന്നാണ് സൂചന.
ഈ വരുമാനപരിധിയിൽ വരുന്നവർ 20 ശതമാനം നികുതിയാണ് നൽകേണ്ടി വരിക. പുതിയ തീരുമാനത്തോടെ ബജറ്റ് കമ്മി 360 ബില്യൺ ഡോളറാക്കി കുറക്കാൻ കഴിയുമെന്നാണ് പ്രതീക്ഷിക്കുന്നത്. അതേസമയം, ഭരണകക്ഷിയിലെ ഒരു വിഭാഗം തീരുമാനത്തെ അനുകൂലിക്കുമ്പോൾ എതിർപ്പുയർത്തുന്ന മറ്റൊരു വിഭാഗവുമുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.