എച്ച്-1ബി വിസയിൽ ബൈഡൻ മാറ്റം വരുത്തിയേക്കും
text_fieldsവാഷിങ്ടൺ: യു.എസ് പ്രസിഡൻറായി ജോ ബൈഡൻ തെരഞ്ഞെടുക്കപ്പെട്ടതോടെ എച്ച് 1-ബി വിസകളുടെ എണ്ണം ഉയർത്തുമെന്ന് സൂചന. ഓരോ രാജ്യത്തിന് നിശ്ചിത എണ്ണം വിസകൾ മാത്രമാണ് ഇപ്പോൾ അനുവദിക്കുന്നത്. ഈ രീതിയിൽ മാറ്റം വരുമെന്നാണ് പ്രതീക്ഷിക്കുന്നത്. ഇതുമൂലം 10,000ത്തോളം ഇന്ത്യക്കാർക്ക് ഗുണമുണ്ടാകുമെന്നാണ് വിലയിരുത്തൽ.
എച്ച്-1ബി വിസയുമായി യു.എസിലെത്തുന്നവരുടെ പങ്കാളികൾക്ക് വർക്ക് പെർമിറ്റ് നിഷേധിക്കുന്ന നയത്തിലും മാറ്റമുണ്ടാകുമെന്നാണ് സൂചന. യു.എസിൽ താമസിക്കുന്ന ആയിരക്കണക്കിന് ഇന്ത്യൻ കുടുംബങ്ങൾക്ക് ആശ്വാസം നൽകുന്നതാണ് തീരുമാനം .
നേരത്തെ ട്രംപ് ഭരണകൂടം എച്ച്-1ബി വിസയിൽ നിയന്ത്രണങ്ങൾ ഏർപ്പെടുത്തുമെന്ന് അറിയിച്ചിരുന്നു. ഇന്ത്യയിൽ വൻകിട ഐ.ടി കമ്പനികൾക്ക് കനത്ത തിരിച്ചടി നൽകുന്ന തീരുമാനമാണ് ഡോണൾഡ് ട്രംപ് പ്രഖ്യാപിച്ചത്. തുടർന്ന് ഐ.ടി കമ്പനികൾ യു.എസിൽ നിന്ന് തന്നെ ജോലിക്കാരെ തേടാൻ നിർബന്ധിതരായിരുന്നു. ബൈഡൻ അധികാരത്തിലെത്തുന്നതോടെ ഇതിൽ മാറ്റമുണ്ടാവുമെന്നാണ് പ്രതീക്ഷിക്കുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.