ജനിതകമാറ്റം വന്ന വൈറസിനെതിരേ വാക്​സിൻ ആറ്​ ആഴ്ചക്കുള്ളിൽ -ബയോണ്‍ടെക്

ലണ്ടന്‍: ബ്രിട്ടനില്‍ പടരുന്ന ജനിതകമാറ്റം സംഭവിച്ച കൊറോണ വൈറസിന്‍റെ പുതിയ വകഭേദത്തിനെതിരേ ഫൈസറുമായി ചേർന്ന്​ വികസിപ്പിച്ച കോവിഡ് വാക്‌സിന്‍ ഫലപ്രദമാകുമെന്ന് ബയേൺടെക്ക്​ ചീഫ് എക്‌സിക്യൂട്ടീവ് ഉഗുര്‍ സാഹിന്‍. പുതിയ വാക്​സിനെതിരെ ഫലപ്രദമാകുന്ന രീതിയിൽ വാക്​സിനെ അനുയോജ്യമാക്കാൻ ആറ് ആഴ്ച മതിയെന്നും അദ്ദേഹം വ്യക്​തമാക്കി.

ബ്രിട്ടനില്‍ കണ്ടെത്തിയ പുതിയ കൊറോണ വൈറസിന് ഒമ്പത് മ്യൂട്ടേഷനുകളാണ് സംഭവിച്ചിരിക്കുന്നത്​. എന്നിരുന്നാലും വാക്‌സിന്‍ ഫലപ്രദമാകും. കാരണം അതില്‍ ആയിരത്തിലധികം അമിനോ ആസിഡുകള്‍ അടങ്ങിയിട്ടുണ്ട്. അവയില്‍ ഒമ്പത് എണ്ണം മാത്രമേ മാറിയിട്ടുള്ളൂ, 99 ശതമാനം പ്രോട്ടീനും ഇപ്പോഴും സമാനമാണെന്നും അദ്ദേഹം ചൂണ്ടിക്കാട്ടി.