ജനനനിരക്ക്​ വർധിപ്പിക്കൽ: ചൈനയിൽ മൂന്നുകുട്ടി നിയമം പാസാക്കി

ബെയ്​ജിങ്​: ജനനനിരക്ക്​ വർധിപ്പിക്കുന്നതി​െൻറ ഭാഗമായി ചൈനയിൽ ദമ്പതികൾക്ക്​ മൂന്നു കുട്ടികളാവാമെന്ന നിയമം പാസാക്കി. നാഷനൽ പീപ്​ൾസ്​ കോൺഗ്രസിലാണ്​ ഇതടക്കമുള്ള നിരവധി നിയമങ്ങൾ പാസാക്കിയത്​. കഴിഞ്ഞ മേയിലാണ്​ ദമ്പതികൾക്ക്​ മൂന്നുകുട്ടികൾ വരെയാകാമെന്ന്​ ചൈന പ്രഖ്യാപിച്ചത്​.

സാമ്പത്തിക ബാധ്യതയാകുമെന്ന്​ കണ്ടാണ്​ ചൈനയിലെ പല ദമ്പതികളും ഒന്നിലധികം കുട്ടികളെന്ന ആഗ്രഹം ഉപേക്ഷിക്കുന്നത്​. ജനസംഖ്യ കണക്കെടുപ്പിൽ യുവാക്കളുടെ എണ്ണം കുത്തനെ കുറഞ്ഞതാണ്​ കൂടുതൽ കുട്ടികളാകാമെന്ന നയംമാറ്റത്തിന്​ ചൈനയെ പ്രേരിപ്പിച്ചത്​. 2016ലാണ്​ ചൈന ഒറ്റക്കുട്ടിനയം തിരുത്തിയെഴുതിയത്​.

മൂന്നു പതിറ്റാണ്ടിലേറെയായി നടപ്പാക്കിയ ഒറ്റക്കുട്ടി നയം 400 ദശലക്ഷത്തിലധികം ജനനങ്ങളെ തടഞ്ഞുവെന്നാണ്​ ചൈനീസ് അധികൃതർ അവകാശപ്പെടുന്നത്​. 60 വയസ്സിന്​ മുകളിലുള്ള ആളുകളുടെ ജനസംഖ്യ കഴിഞ്ഞവർഷം 18.7 ശതമാനം വർധിച്ച് 264 ദശലക്ഷമായി വളർന്നിട്ടുണ്ട്​. ഇത്​ ചൈന അഭിമുഖീകരിക്കുന്ന ജനസംഖ്യാ പ്രതിസന്ധിയെ വർധിപ്പിക്കുമെന്നായിരുന്നു കണക്കുകൂട്ടൽ. രാജ്യം നേരിടാൻ പോകുന്ന സാമ്പത്തിക ​പ്രതിസന്ധി കൂടി കണക്കിലെടുത്താണ്​ പുതിയ നയം കൊണ്ടുവന്നത്​.

എന്നാൽ, രണ്ടു​കുട്ടി മാത്രമെന്ന നിയന്ത്രണം അവസാനിപ്പിച്ച്​ ദമ്പതികൾക്ക്​ മൂന്നുകുട്ടികൾ വരെയാകാമെന്ന ചൈനീസ്​ സർക്കാറി​െൻറ പുതിയ നയത്തോട് പലരും മുഖംതിരിക്കുകയാണ്​. കുട്ടികളെ വളർത്താനുള്ള ഭീമമായ ചെലവോർത്താണ്​ പലരും വിയോജിക്കുന്നത്​.

2016ൽ ചൈന ഒറ്റക്കുട്ടി നയം അവസാനിപ്പിച്ചപ്പോഴും ഭൂരിഭാഗത്തി​െൻറയും പ്രതികരണം ഇതേരീതിയിൽ തന്നെയായിരുന്നു. രണ്ടുകുട്ടികൾ തന്നെ അധികമാണെന്ന നിലപാടാണ്​ പലർക്കും. എന്നാൽ, മൂന്ന്​ കുട്ടികളുള്ളവർക്ക് നികുതി ഇളവടക്കമുള്ള​ പല ആനുകൂല്യങ്ങളും സർക്കാർ ​പ്രഖ്യാപിച്ചിട്ടുണ്ട്​.