അ​ഫ്ഗാ​നി​ൽ സ്ഫോ​ട​നം: 22 പേർ കൊല്ലപ്പെട്ടു

കാ​ബൂ​ൾ: അഫ്ഗാൻ നഗരങ്ങളായ മസാരെ ശരീഫ്, കുന്ദൂസ് എന്നിവിടങ്ങളിലുണ്ടായ സ്ഫോടനങ്ങളിൽ 22 മരണം. മ​സാ​രെ ശ​രീ​ഫി​ലെ ശി​യാ പ​ള്ളി​യി​ൽ നടന്ന സ്ഫോ​ട​നത്തിൽ 11 പേ​ർ മ​രി​ച്ച​താ​യും 40ലേ​റെ പേ​ർ​ക്ക് പ​രി​ക്കേ​റ്റ​താ​യു​മാ​ണ് പ്രാ​ഥ​മി​ക വി​വ​രം.ആക്രമണത്തിന്റെ ഉത്തരവാദിത്തം ഐ.എസ് ഏറ്റെടുത്തു.

കുന്ദൂസ് നഗരത്തിലെ സ്ഫോടനത്തിൽ 11 പേരാണ് മരിച്ചത്. വ്യാ​ഴാ​ഴ്ച രാ​വി​ലെ ത​ല​സ്ഥാ​ന ന​ഗ​ര​മാ​യ കാ​ബൂ​ളി​ൽ വ​ഴി​യ​രി​കി​ൽ ബോം​ബ് പൊ​ട്ടി​ത്തെ​റി​ച്ച് ര​ണ്ട് കു​ട്ടി​ക​ൾ​ക്ക് പ​രി​ക്കേ​റ്റി​രു​ന്നു. ശി​യാ ​മു​സ്‍ലിം​ക​ൾ താ​മ​സി​ക്കു​ന്ന മേ​ഖ​ല​യി​ലാ​ണ് സ്ഫോ​ട​നം ന​ട​ന്ന​ത്. ര​ണ്ടു ദി​വ​സം മു​മ്പ് സ​മാ​ന സ്ഥ​ല​ത്ത് വി​ദ്യാ​ഭ്യാ​സ സ്ഥാ​പ​ന​ം കേ​ന്ദ്രീ​ക​രി​ച്ചു ന​ട​ന്ന സ്ഫോ​ട​ന പ​ര​മ്പ​ര​ക​ളി​ൽ കു​ട്ടി​ക​ള​ട​ക്കം ആ​റു​പേ​ർ കൊ​ല്ല​പ്പെ​ട്ടി​രു​ന്നു.

റമദാനോടനുബന്ധിച്ചാണ് സ്ഫോടനങ്ങൾ നടന്നത്. രാജ്യത്ത് ന്യൂന പക്ഷ വിഭാഗമായ ശിയാ മുസ്‍ലിംകളെ ലക്ഷ്യമിട്ട് ഐ.എസ് അടക്കമുള്ള ഭീകരസംഘടനകൾ ആക്രമണം പതിവാണ്.