വ​ട​ക്ക​ൻ ഗ​സ്സ​യി​ൽ താ​മ​സ കെ​ട്ടി​ട​ത്തി​ൽ ബോം​ബി​ങ്; 109 മ​ര​ണം കൊ​ല്ല​പ്പെ​ട്ട​വ​രി​ൽ 25 കു​ട്ടി​ക​ളും

ഗ​സ്സ സി​റ്റി: ഇ​സ്രാ​യേ​ൽ തു​ട​രു​ന്ന വ്യോ​മ-​ക​ര​യാ​ക്ര​മ​ണ​വും ക​ടു​ത്ത ഉ​പ​രോ​ധ​വും മ​ര​ണ​ഭൂ​മി​യാ​ക്കി​യ വ​ട​ക്ക​ൻ ഗ​സ്സ​യി​ൽ തു​ല്യ​ത​യി​ല്ലാ​ത്ത ക്രൂ​ര​ത വീ​ണ്ടും. ബ​യ്ത് ലാ​ഹി​യ​യി​ൽ 200ലേ​റെ അ​ഭ​യാ​ർ​ഥി​ക​ൾ തി​ങ്ങി​ക്ക​ഴി​ഞ്ഞ അ​ഞ്ചു​നി​ല കെ​ട്ടി​ടം ബോം​ബി​ട്ടു​ത​ക​ർ​ത്തു. ശ​നി​യാ​ഴ്ച രാ​വി​ലെ ന​ട​ന്ന ആ​ക്ര​മ​ണ​ത്തി​ൽ 109 പേ​രു​ടെ മ​ര​ണം സ്ഥി​രീ​ക​രി​ച്ചു. കൊ​ല്ല​പ്പെ​ട്ട​വ​രി​ൽ 25 കു​ട്ടി​ക​ളു​മു​ണ്ട്. നി​ര​വ​ധി പേ​രെ കു​റി​ച്ച് വി​വ​ര​ങ്ങ​ളി​ല്ല. പ​രി​ക്കേ​റ്റ 100ലേ​റെ പേ​രെ ക​മാ​ൽ അ​ദ്‍വാ​ൻ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ദി​വ​സ​ങ്ങ​ൾ​ക്കു​മു​മ്പ് ഡോ​ക്ട​ർ​മാ​രെ​യും മെ​ഡി​ക്ക​ൽ സ്റ്റാ​ഫി​നെ​യു​മ​ട​ക്കം ഇ​സ്രാ​യേ​ൽ പി​ടി​​ച്ചു​കൊ​ണ്ടു​പോ​യ​തി​നാ​ൽ അ​ടി​യ​ന്ത​ര ശ​സ്ത്ര​ക്രി​യ പോ​ലും ന​ട​ത്താ​നാ​കാ​ത്ത സ്ഥി​തി​യാ​ണെ​ന്ന് ആ​ശു​പ​ത്രി ഡ​യ​റ​ക്ട​ർ ഡോ. ​ഹു​സാ​ൻ അ​ബൂ​സ​ഫി​യ അ​റി​യി​ച്ചു. ഗ​സ്സ​യി​ൽ ചൊ​വ്വാ​ഴ്ച ന​ട​ന്ന ആ​ക്ര​മ​ണ​ങ്ങ​ളി​ൽ ഇ​തു​ൾ​പ്പെ​ടെ 100ലേ​റെ പേ​ർ കൊ​ല്ല​പ്പെ​ട്ടി​ട്ടു​ണ്ട്.

യു.​എ​ൻ അ​ഭ​യാ​ർ​ഥി ഏ​ജ​ൻ​സി​യെ ഭീ​ക​ര സം​ഘ​ട​ന​യാ​യി പ്ര​ഖ്യാ​പി​ച്ച് ഫ​ല​സ്തീ​നി​ൽ വി​ല​ക്കേ​ർ​പ്പെ​ടു​ത്തി​യ ഇ​സ്രാ​യേ​ൽ പാ​ർ​ല​മെ​ന്റ് തീ​രു​മാ​ന​ത്തി​നു പി​ന്നാ​ലെ​യാ​ണ് മ​നഃ​സാ​ക്ഷി​യെ ഞെ​ട്ടി​ക്കു​ന്ന കൂ​ട്ട​ക്കൊ​ല അ​ര​ങ്ങേ​റി​യ​ത്.

അ​വ​ശ്യ​വ​സ്തു​ക്ക​ൾ കി​ട്ടാ​ക്ക​നി​യാ​യ ഗ​സ്സ​യി​ൽ യു.​എ​ൻ ഏ​ജ​ൻ​സി​ക്കേ​ർ​പ്പെ​ടു​ത്തി​യ വി​ല​ക്ക് ജീ​വി​തം കൂ​ടു​ത​ൽ ന​ര​ക​മാ​ക്കു​മെ​ന്ന് വി​വി​ധ രാ​ജ്യ​ങ്ങ​ൾ ആ​ശ​ങ്ക അ​റി​യി​ച്ചി​ട്ടു​ണ്ട്. ഇ​സ്രാ​യേ​ൽ പാ​ർ​ല​മെ​ന്റാ​ണ് ഭീ​ക​ര​മു​ദ്ര ചാ​ർ​ത്തി​യും വി​ല​ക്കി​യും ര​ണ്ട്​ പ്ര​മേ​യ​ങ്ങ​ൾ പാ​സാ​ക്കി​യ​ത്. ഗ​സ്സ, വെ​സ്റ്റ് ബാ​ങ്ക്, കി​ഴ​ക്ക​ൻ ജ​റൂ​സ​ലം അ​ട​ക്കം ഇ​സ്രാ​യേ​ലി​ൽ ഒ​രി​ട​ത്തും പ്ര​വ​ർ​ത്തി​ക്ക​രു​തെ​ന്നും അ​ന്ത്യ​ശാ​സ​ന​മു​ണ്ട്.

അ​തി​നി​ടെ, തെ​ക്ക​ൻ ല​ബ​നാ​നി​ൽ കൂ​ടു​ത​ൽ മേ​ഖ​ല​ക​ളി​ലേ​ക്ക് ഇ​സ്രാ​യേ​ൽ ടാ​ങ്കു​ക​ൾ ക​ട​ന്നു​ക​യ​റി. അ​തി​ർ​ത്തി​യി​ൽ​നി​ന്ന് ആ​റു​കി​ലോ​മീ​റ്റ​ർ ഉ​ള്ളി​ൽ തെ​ക്ക​ൻ മേ​ഖ​ല​യി​ലെ ഖി​യാ​മി​ലാ​ണ് പു​തി​യ ആ​ക്ര​മ​ണം.

ത്വെ​യ്ർ ഹ​ർ​ഫ, ഖ​സ്റു​ൽ അ​ഹ്മ​ർ, ജ​ബ​ൽ ബ​ത്മ്, സെ​ബ്ഖി​ൻ തു​ട​ങ്ങി നി​ര​വ​ധി ഗ്രാ​മ​ങ്ങ​ളി​ൽ​നി​ന്ന് ഒ​ഴി​ഞ്ഞു​പോ​കാ​നും ഇ​സ്രാ​യേ​ൽ ഉ​ത്ത​ര​വി​ട്ടി​ട്ടു​ണ്ട്.