പിതാവി​െൻറ കൂടെ വേട്ടയാടാൻ പോയ ഒമ്പതുകാരൻ അബദ്ധത്തിൽ വെടിയേറ്റ് മരിച്ചു

നെബ്രസ്ക്ക (അമേരിക്ക): അച്ഛ​െൻറ കൂടെ വേട്ടയാടാൻ പോയ മകൻ അബദ്ധത്തിൽ വെടിയേറ്റു മരിച്ചു. സ്വേഡിലെ സെൻറ്​ ജോൺ ലൂതറൻ സ്കൂൾ വിദ്യാർഥി ഗണ്ണർ ഹോൾട്ട് (ഒമ്പത്​) ആണ്​ മരിച്ചത്​. വേട്ടയാടുന്നതിൽ അതിസമർഥനായിരുന്നു കുട്ടി. പിതാവി​െൻറ കൂടെയാണ്​ സാധാരണ വേട്ടക്ക് പോകാറുള്ളത്​.

വേട്ടയാടാൻ അനുമതിയുള്ള പ്രത്യേക പ്രദേശത്ത് 15 വയസ്സിനു താഴെയുള്ളവർക്കും തോക്ക്​ ഉപയോഗിക്കാം. ഞായറാഴ്ച ഇവിടെവെച്ച്​ തോക്കിൽ തിരനിറക്കുകയായിരുന്നു ഗണ്ണർ ഹോൾട്ട്​​. ഇതിനിടെ അബദ്ധത്തിൽ പൊട്ടിത്തെറിക്കുകയായിരുന്നു. ശബ്ദം കേട്ട്​ പിതാവ്​ തിരിഞ്ഞു നോക്കിയപ്പോൾ മാറിൽ വെടിയേറ്റ രക്തത്തിൽ കുളിച്ചു കിടന്ന മകനെ കാണുകയായിരുന്നു. പൊലീസുകാര​െൻറ സഹായത്തോടെ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചിരുന്നു.

വേദനാജനകമായ ഒരു സംഭവമാണിതെന്ന് ലൻകാസ്റ്റർ കൗണ്ടി ഷെറിഫ് ഓഫിസ് പറഞ്ഞു. കുട്ടിയുടെ സംസ്കാര ചെലവുകൾക്കായി ഗൊഫണ്ട്.കോം വെബ്സൈറ്റ് ഫണ്ട്​ ശേഖരണം തുടങ്ങിയിട്ടുണ്ട്. സംഭവത്തെക്കുറിച്ചു കൂടുതൽ അന്വേഷണം ആരംഭിച്ചു.