ബൈക്കിൽ 'മുൻസീറ്റ്​ യാത്രക്കാരനാ'യി പാമ്പ്​; വിഡിയോ പകർത്തി ഒറ്റക്കൈയിൽ ​ഓടിച്ച്​ യുവാവ്​- വൈറലായി വിഡിയോ

ബാ​​ങ്കോക്ക്​: രാത്രിയുടെ പാതി ഇരുട്ടിയിൽ അലസമായി യാത്ര ചെയ്യുന്നതിനിടെ മുന്നിൽ വിടർന്നാടി സർപം ശല്യക്കാരനായ സഹയാത്രികനായാലോ? ഭയന്നുവിറച്ച്​ ബൈക്കും യാത്രികനും ഒന്നിച്ച്​ നിലംപതിക്കുമെന്നുറപ്പ്​. പക്ഷേ, തായ്​ലൻഡിൽ യുവാവ്​ സമൂഹ മാധ്യമത്തിൽ പങ്കുവെച്ച വിഡിയോ പറയുന്നത്​ മറ്റൊരു കഥയാണ്​.

യാത്രക്കിടെ പാമ്പ്​ മുന്നിൽ കയറി ഒരു ഹാൻഡ്​ലിൽ തൂങ്ങിയാടുന്നത്​ പെ​ട്ടെന്ന്​ ശ്രദ്ധയിൽ പെടുന്ന യാത്രക്കാരൻ വാഹനം നിർത്താൻ തിടുക്കം കാണിക്കുംമുമ്പ്​ ആളെ പകർത്താൻ മൊബൈൽ കാമറ ഓണാക്കുകയായിരുന്നു. ഏറെദൂരം പിന്നീട്​ സഞ്ചരിച്ചില്ലെങ്കിലും ഒറ്റക്കൈയിൽ വാഹനത്തിന്‍റെ നിയന്ത്രണം ശ്രദ്ധിക്കു​േമ്പാൾ മറുകൈയിൽ കാമറ ദൃശ്യം പകർത്തിക്കൊണ്ടിരുന്നു. ഇടക്ക്​ ആൾ മുന്നോ​ട്ടുനീങ്ങി അപകടകരമായി നോക്കുന്നതുൾപെടെ ദൃശ്യങ്ങളിലുണ്ട്​. വാഹനം നിർത്തിയതോടെ ശാന്തനായ സർപം പതിയെ അവിടെ വിശ്രമിക്കുന്നിടത്ത്​ കാഴ്ചകൾ അവസാനിക്കുന്നു​. വടക്കൻ തായ്​ലൻഡിലെ ഉതായ്​ താനി പ്രവിശ്യയിലാണ്​ സംഭവം. ഇലക്​ട്രിക്​ ബൈക്കിൽ കുടുങ്ങിപ്പോയ സർപത്തിന്​ നിർത്തിയ ശേഷവും ഇറങ്ങിപ്പോകാനാകുന്നില്ലെങ്കിലും പിന്നീടെന്തു സംഭവിച്ചുവെന്ന്​ വ്യക്​തമല്ല. ആദ്യം കണ്ടപാടെ ബഹളം വെക്കുന്ന യാത്രക്കാരൻ വാഹനം നിർത്തിയ ശേഷം പാമ്പിനെ വ്യത്യസ്​ത ആംഗിളുകളിൽ പകർത്തി കാഴ്​ച വിരുന്ന്​ ഗംഭീരമാക്കുന്നുണ്ട്​.

200 ഓളം പാമ്പുവർഗങ്ങളുള്ള തായ്​ലൻഡിൽ സമാന സംഭവങ്ങൾ പുതിയതല്ല. 40ഓളം വിഭാഗങ്ങൾ വിഷ സർപങ്ങളുമാണ്​. ഇവിടെയെത്തുന്ന വിനോദ സഞ്ചാരികളും സമാന അനുഭവങ്ങൾ പ​ങ്കുവെക്കാറുണ്ട്​.

വനംകൈ​േയറ്റം ഏറ്റവും ​കൂടുതലുള്ള രാജ്യങ്ങളിലൊന്നാണ്​ തായ്​ലൻഡ്​.