യൂ​േറാപ്​ വിട്ട്​' ബോറിസും ബ്രിട്ടീഷ്​ ജനതയും; ഇനി 'സൂര്യനസ്​തമിക്കുമോ' ബ്രിട്ടീഷ്​ സാമ്രാജ്യത്തിൽ

ഡിസംബർ 31ന്​ അർധരാത്രിയോടെ യൂറോപ്യൻ യൂനിയ​െൻറ ഭാഗമല്ലാതായി മാറിയെങ്കിലും ബ്രിട്ടീഷ്​ ജനതയെ കാത്ത്​ കാത്ത്​ നിരവധി പ്രശ്​നങ്ങൾ

മൂന്നു പ്രധാനമന്ത്രിമാരും അതിലേറെ വർഷങ്ങളുമുണ്ടായിട്ടും നടക്കാതെ പോയ 'ബ്രക്​സിറ്റ്​' ഒടുവിൽ സംഭവിച്ചുകഴിഞ്ഞിരിക്കുന്നു. ബ്രിട്ടൻ എന്ന പഴയ 'സൂര്യനസ്​തമിക്കാത്ത സാമ്രാജ്യ'ത്തിൽ ഇനി ഒറ്റ യൂറോപ്​ എന്ന സങ്കൽപത്തിന്​ ഇടമില്ല. വ്യാപാരം, സഞ്ചാരം, കുടിയേറ്റം, സുരക്ഷ തുടങ്ങി എല്ലാറ്റിലും ഇതുവരെയും തീരുമാനമെടുക്കാൻ ബ്രസൽസിലേക്ക്​ വിമാനം കയറേണ്ടിയിരുന്നുവെങ്കിൽ ഇനി ലണ്ടനിലിരുന്നാൽ മാത്രം മതി. പ്രധാനമന്ത്രിയായ ബോറിസ്​ ജോൺസൺ എന്ന പഴയ മാധ്യമ പ്രവർത്തക​ൻ ആഘോഷം തുടങ്ങിക്കഴിഞ്ഞെങ്കിലും ബ്രിട്ടീഷ്​ ജനതക്ക്​ എത്രത്തോളം ബോധിച്ചിട്ടുണ്ടെന്നാണ്​ ലോകം ഉറ്റുനോക്കുന്നത്​.

മാറ്റങ്ങൾ സർവത്ര

ബ്രിട്ടനിലെ ചില മാധ്യമങ്ങളിൽ ​പ്രത്യാശ മാത്രമേ വായിക്കാനുള്ളൂവെങ്കിലും സത്യം വേറെ ചിലതു കൂടി ചേർന്നതാണെന്ന്​ പ്രതിപക്ഷം പറയുന്നതിലുമുണ്ട്​ കാര്യം. യൂറോപ്യൻ യൂനിയ​െൻറ ഭാഗമായപ്പോൾ അംഗ രാജ്യങ്ങളിലേക്ക്​ യാത്ര എപ്പോഴും എങ്ങനെയുമാകാ​മാ​യിരുന്നുവെങ്കിൽ അത്​ അവസാനിച്ചിരിക്കുന്നു. പകരം പോയിൻറ്​ അടിസ്​ഥാനമാക്കിയുള്ള പുതിയ സംവിധാനം നടപ്പിൽ വന്നുകഴിഞ്ഞു. എന്നുവെച്ചാൽ, വിസയില്ലാത്ത അയൽരാജ്യ യാത്ര ഇനി നിശ്​ചിത ദിവസങ്ങൾ മാത്രമേ പാടുള്ളൂ. 90 ദിവസത്തിൽ കൂടിയാൽ വിസ വേണം. തിരിച്ച്​ ബ്രിട്ടനിലുള്ള മറ്റു രാജ്യക്കാരും സമാന കടമ്പ തരണം ചെയ്​തേ പറ്റൂ.

പ്രതികളെ തിരഞ്ഞും കേസ്​ അന്വേഷിച്ചും യൂറോപ്​ മുഴുക്കെ കറങ്ങിനടന്ന ബ്രിട്ടീഷ്​ ​പൊലീസിന്​ ഇനി അതു നടക്കില്ല. എന്നു മാത്രമല്ല, യൂറോപ്യൻ യൂന​ിയന്​ പൊതുവായുള്ള വിവര ശേഖരവും ബ്രിട്ടന്​ മാത്രം ലഭിക്കില്ല. മത്സ്യബന്ധനത്തിൽ പോലും പുതുതായി നിയന്ത്രണങ്ങൾ വന്നുകഴിഞ്ഞു.

​വെല്ലുവിളികളുടെ സ്വർഗത്തിൽ

നാലു വർഷവും 27 ആഴ്​ചയും രണ്ടു ദിവസവും മുമ്പ്​ 2016ൽ പാസാക്കിയ നിയമമാണ്​ വാദവാഗ്വാദങ്ങളുടെ പരമ്പരകൾ പിന്നിട്ട്​ 2021 ജനുവരി ഒന്നിന്​ നടപ്പാകുന്നത്​. അന്ന്​ നടന്ന ഹിത പരിശോധനയിൽ പ്രതീക്ഷയോടെ വോട്ടു ചെയ്​തവരിൽ പലരും പക്ഷേ, പിന്നീട്​ പിന്മാറിയെങ്കിലും രാഷ്​ട്രീയ ആയുധമെന്ന നിലക്ക്​ ഭരണകൂടങ്ങൾ പിൻവാങ്ങിയില്ല. ഏറ്റവുമൊടുവിൽ അതിനായി ഏറ്റവും ശക്​തമായി രംഗത്ത്​ നിലയുറപ്പിച്ച ബോറിസ്​ ജോൺസൺ പ്രധാനമ​ന്ത്രിയുമായി. യൂറോപിൽ കോവിഡ്​ ഏറ്റവും അപായകരമായി ബാധിച്ച രാജ്യം അതേ അസുഖത്തി​െൻറ രണ്ടാം വരവിൽ വിറങ്ങലിച്ചുനിൽക്കെയാണ്​ ഒടുവിൽ ബ്രക്​സിറ്റ്​ നടപ്പിൽ വരുന്നത്​.

നിയമം നടപ്പാകുകയും ബ്രിട്ടൻ ഇ.യുവിന്​ പുറത്തെത്തുകയും ചെയ്​തെങ്കിലും ഇനി എ​ന്തൊക്കെ വരാനിരിക്കുന്നുവെന്നതാണ്​ കാര്യമായി രാജ്യം കാത്തുനിൽകുന്നത്​. ചരക്കു​ ഗതാഗതത്തെ പോലും ചുവപ്പുനാടകൾ കാത്തിരിക്കുന്നു. നടപടിക്രമങ്ങൾ പലതും ഇനിയും പൂർത്തിയാക്കാത്തതാണ്​ അതിലേറെ വലിയ വെല്ലുവിളി. കെൻറ്​ പോലുള്ള അതിർത്തികളിൽ വാഹനങ്ങൾ ആയിരക്കണക്കിന്​ കെട്ടിക്കിടക്കുന്നത്​ പുതിയ കാഴ്​ച.

സ്​കോട്​ലൻറിന്​ പുറത്തുപോകണം, ബ്രിട്ടനിൽനിന്നോ?

ആദ്യ നാൾ മുതൽ ബ്രെക്​സിറ്റിനെതിരെ നിലയുറപ്പിച്ച സ്​കോട്​ലൻറ്​ പുതുവർഷപ്പുലരിയിലും തങ്ങളുടെ നയം വ്യക്​തമാക്കികഴിഞ്ഞു. അവർക്കിനി യൂറോപ്യൻ യൂനിയനിൽ മാത്രം അംഗമായാൽ പോരാ, സ്വതന്ത്രവുമാകണം. എന്നുവെച്ചാൽ ഇതുപോലൊരു ബ്രിട്ട​െൻറ ഭാഗമായി തുടരാൻ നിക്കൊളാ സ്​റ്റർഗണിനും നാട്ടുകാർക്കും താൽപര്യമില്ല. അയർലൻറ്​ എടുത്ത നിലപാടും ബ്രിട്ടീഷ്​ ഗവൺമെൻറിന്​ തലവേദന തീർക്കുന്നതാണ്​. കാര്യങ്ങൾ കൂടുതൽ കുഴമറിഞ്ഞ്​ മുന്നോട്ടുപോയാൽ ബ്രിട്ടീഷ്​ സർക്കാറിനെ കാത്തിരിക്കുന്നത്​ ചെറിയ പ്രതിസന്ധികളല്ലെന്ന്​ വ്യക്​തം. ബ്രക്​സിറ്റ്​ പരിഹാരമാണോ അതല്ല പ്രശ്​നമായോ എന്നാണ്​ ലോകം അറിയാൻ കാത്തിരിക്കുന്നത്​.