കനേഡിയൻ ബിസിനസുകാരന്​ ചൈനയിൽ 11 വർഷം തടവ്​

ബെയ്​ജിങ്​: ചാരവൃത്തി ചുമത്തി കനേഡിയൻ ബിസിനസുകാരനെ ചൈന 11 വർഷത്തേക്ക്​ ജയിലിലടച്ചു. 2018ലാണ്​ കനേഡിയൻ മുൻ നയതന്ത്ര പ്രതിനിധി മൈക്കൽ കോവ്​റിങിനൊപ്പം മൈക്കൽ സ്​പാവറിനെ ചൈന അറസ്​റ്റ്​ ചെയ്​തത്​.

അറസ്​റ്റ്​ ചൈന-കാനഡ നയതന്ത്രബന്ധം താറുമാറാക്കിയിരുന്നു. കാനഡയിൽ കഴിയുന്ന വാവെയ്​ ചീഫ്​ എക്​സിക്യൂട്ടിവ്​ മെങ്​ വാങ്​ഷുവിനെ വിട്ടുകിട്ടുന്നതുമായി ബന്ധപ്പെട്ട്​ തുടങ്ങിയ തർക്കമാണത്​. ജയിൽശിക്ഷക്കെതിരെ കനേഡിയൻ പ്രധാനമന്ത്രി ജസ്​റ്റിൻ ട്രൂഡോ രംഗത്തുവന്നു.