മുതലാളിത്തം പരാജയപ്പെട്ടതായി പോപ്​​; പരിഷ്​കരണം അനിവാര്യം

റോം: വിപണിമുതലാളിത്തത്തി​െൻറ മാന്ത്രിക ആശയങ്ങൾ പരാജയപ്പെട്ടതായി കോവിഡ്​ മഹാമാരി തെളിയിച്ചതായും പരിഷ്​കരണം ആവശ്യമാണെന്നും പോപ്​​ ഫ്രാൻസിസ്​. സംഭാഷണവും ​െഎക്യദാർഢ്യവും മുന്നോട്ടുവെക്കുന്നതും എന്തു​ വില കൊടുത്തും യുദ്ധത്തെ തടയുന്നതുമായ പുതിയ രാഷ്​ട്രീയം അനിവാര്യമാണെന്നും അദ്ദേഹം വ്യക്തമാക്കി.

കോവിഡാനന്തര കാലത്തെക്കുറിച്ച ആശയങ്ങൾ ഉൾ​െക്കാള്ളിച്ചുള്ള സാമൂഹിക അധ്യാപനമായ ഫ്രാ​റ്റെല്ലി ടുട്ടി (എല്ലാ സഹോദരന്മാരോടും) എന്ന ചാക്രിക ലേഖനം പുറത്തിറക്കുകയായിരുന്നു അദ്ദേഹം. സെൻറ്​ ഫ്രാൻസിസ്​ അസീസിയുടെ തിരുനാൾ ദിനത്തിലായിരുന്നു ഇത്​ പുറത്തിറക്കിയത്​.

നിയമാനുസൃത പ്രതിരോധം എന്ന നിലയിൽ യുദ്ധത്തെ ന്യായീകരിക്കാമെന്ന കാത്തലിക്​ ചർച്ചി​െൻറ പ്രമാണവും അദ്ദേഹം തള്ളിക്കളഞ്ഞു. നൂറ്റാണ്ടുകളായി വിപുലാർഥത്തിൽ ഇത്​ ഉപയോഗപ്പെടുത്തിയിട്ടുണ്ടെന്നും ഇനി മുതൽ പ്രായോഗികമല്ലെന്നും അദ്ദേഹം പറഞ്ഞു.

നീതിപൂർവകമായ യുദ്ധത്തെക്കുറിച്ച് സംസാരിക്കാൻ മുൻ നൂറ്റാണ്ടുകളിൽ വിശദീകരിച്ച യുക്തിസഹമായ മാനദണ്ഡങ്ങൾ പ്രയോഗിക്കുന്നത് ഇപ്പോൾ വളരെ ബുദ്ധിമുട്ടാണ്.മഹാമാരി ബാധിച്ച ജനങ്ങളുടെ ന്യായമായ ആവശ്യങ്ങൾ പരിഗണിക്കുന്നതിന്​ നിലവിലെ രാഷ്​ട്രീയ, സാമ്പത്തിക സ്ഥാപനങ്ങളിൽ പരിഷ്​കരണം ആവശ്യമു​െണ്ടന്ന്​ കോവിഡ്​ മഹാമാരി തന്നെ ബോധ്യപ്പെടുത്തിയതായും പോപ്​​ ഫ്രാൻസിസ്​ പറഞ്ഞു.

എല്ലാ സഹോദരന്മാരോടും എന്ന ചാക്രിക ലേഖന തലക്കെട്ട്​ വിവാദമായിട്ടുണ്ട്​. സ്​ത്രീകളെ ഒഴിവാക്കുന്നുവെന്നാണ്​ പരാതി. എന്നാൽ, മൂലവാചകമായ ഫ്രാറ്റെല്ലി എന്ന വാക്ക്​ ബഹുവചനം ലിംഗഭേദം ഉൾക്കൊള്ളുന്നതാണെന്ന്​ വത്തിക്കാൻ അറിയിച്ചു.