ബ്രി​ട്ട​ൻ അ​യ​ഞ്ഞു; ചാ​ഗോ​സ് ദ്വീ​പ് മൗ​റീ​ഷ്യ​സി​ന് സ്വ​ന്തം

ല​ണ്ട​ൻ: അ​ന്താ​രാ​ഷ്ട്ര സ​മ്മ​ർ​ദ​ങ്ങ​ളു​ടെ​യും നീ​ണ്ട ച​ർ​ച്ച​യു​ടെ​യും ഫ​ല​മാ​യി വ​ർ​ഷ​ങ്ങ​ളു​ടെ ത​ർ​ക്കം അ​വ​സാ​നി​പ്പി​ച്ച് ചാ​ഗോ​സ് ദ്വീ​പ് മൗ​റീ​ഷ്യ​സി​ന് വി​ട്ടു​ന​ൽ​കാ​ൻ ബ്രി​ട്ട​ൻ സ​മ്മ​തി​ച്ചു. ബ്രി​ട്ട​ന്റെ ആ​ഫ്രി​ക്ക​യി​ലെ അ​വ​സാ​ന​ത്തെ​ കോ​ള​നി​യാ​യി​രു​ന്ന മൗ​റീ​ഷ്യ​സ് 1968ലാ​ണ് സ്വ​ത​ന്ത്ര​മാ​യ​ത്. മൗ​റീ​ഷ്യ​സി​ൽ​നി​ന്ന് 1500 കി​ലോ​മീ​റ്റ​ർ അ​ക​ലെ കി​ട​ക്കു​ന്ന ചാ​ഗോ​സ് ദ്വീ​പു​ക​ൾ 1814 മു​ത​ൽ ബ്രി​ട്ട​ന്റെ അ​ധീ​ന​ത്തി​ലാ​യി​രു​ന്നു.

അ​വ​ര​തു മൗ​റീ​ഷ്യ​സി​ന്റെ ഭാ​ഗ​മാ​ക്കി ഭ​രി​ച്ചു. മൗ​റീ​ഷ്യ​സി​നു സ്വാ​ത​ന്ത്ര്യം ന​ൽ​കു​ന്ന​തി​നു മു​മ്പ് ചാ​ഗോ​സി​നെ വേ​ർ​പെ​ടു​ത്തു​ക​യും ബ്രി​ട്ടീ​ഷ് ഇ​ന്ത്യാ​സ​മു​ദ്ര പ്ര​ദേ​ശ​മാ​യി പ്ര​ഖ്യാ​പി​ക്കു​ക​യും ചെ​യ്തു. കോ​ള​നി​ക​ൾ​ക്ക് സ്വാ​ത​ന്ത്ര്യം ന​ൽ​കു​ന്ന​തി​നു​മു​മ്പ് അ​വ വി​ഭ​ജി​ക്കു​ന്ന​ത് 1960ലെ ​യു.​എ​ൻ പ്ര​മേ​യ​ത്തി​ന്റെ ലം​ഘ​ന​മാ​ണെ​ന്നും അ​തി​നാ​ൽ ചാ​ഗോ​സ് ത​ങ്ങ​ൾ​ക്ക് തി​രി​ച്ചു​കി​ട്ട​ണ​മെ​ന്നു​മാ​യി​രു​ന്നു മൗ​റീ​ഷ്യ​സി​ന്റെ ആ​വ​ശ്യം.

എ​ന്നാ​ൽ, അ​റു​പ​തോ​ളം ദ്വീ​പു​ക​ൾ അ​ട​ങ്ങു​ന്ന ചാ​ഗോ​സി​ന്റെ മേ​ലു​ള്ള പ​ര​മാ​ധി​കാ​രം ത​ങ്ങ​ൾ​ക്കാ​ണെ​ന്നാ​യി​രു​ന്നു ബ്രി​ട്ട​ന്റെ അ​വ​കാ​ശ​വാ​ദം. കൂ​ട്ട​ത്തി​ലെ ഏ​റ്റ​വും വ​ലി​യ ദ്വീ​പാ​യ ദി​യെ​ഗോ​ഗാ​ർ​ഷ്യ 1966ൽ ​അ​വ​ർ അ​മേ​രി​ക്ക​ക്ക് സൈ​നി​ക​താ​വ​ളം നി​ർ​മി​ക്കാ​ൻ ദീ​ർ​ഘ​കാ​ല പാ​ട്ട​ത്തി​ന് ന​ൽ​കി. ദി​യെ​ഗോ​ഗാ​ർ​ഷ്യ​യി​ൽ​നി​ന്ന് ര​ണ്ടാ​യി​ര​ത്തോ​ളം പേ​രെ ഒ​ഴി​പ്പി​ച്ച​ത് മാ​ന​വി​ക​ത​ക്കെ​തി​രാ​യ കു​റ്റ​കൃ​ത്യ​മാ​ണെ​ന്ന് വി​മ​ർ​ശ​നം ഉ​യ​ർ​ന്നി​രു​ന്നു. അ​വ​രെ മൗ​റീ​ഷ്യ​സി​ലും സ​മീ​പ​ത്തെ മ​റ്റൊ​രു ബ്രി​ട്ടീ​ഷ് കോ​ള​ണി​യാ​യി​രു​ന്ന സെ​യ്ഷ​ൽ​സി​ലു​മാ​ണ് കു​ടി​യി​രു​ത്തി​യ​ത്.

ദ്വീ​പി​ന് മേ​ൽ പ​ര​മാ​ധി​കാ​ര​മു​ണ്ടെ​ന്ന മൗ​റീ​ഷ്യ​സി​ന്റെ അ​വ​കാ​ശ​വാ​ദം അ​ന്താ​രാ​ഷ്ട്ര നീ​തി​ന്യാ​യ കോ​ട​തി​യും യു.​എ​ൻ പൊ​തു​സ​ഭ​യും അം​ഗീ​ക​രി​ച്ച​​ത് ബ്രി​ട്ട​ന് മേ​ൽ സ​മ്മ​ർ​ദ​മു​യ​ർ​ത്തി. തു​ട​ർ​ന്ന് അ​വ​ർ ച​ർ​ച്ച​ക്ക് ത​യാ​റാ​യി. 2022 മു​ത​ൽ 13 റൗ​ണ്ട് ച​ർ​ച്ച ന​ട​ന്നു. ഒ​ടു​വി​ൽ ബ്രി​ട്ട​ൻ അ​വ​കാ​ശ​വാ​ദം ഉ​പേ​ക്ഷി​ച്ച് ദ്വീ​പ് വി​ട്ടു​ന​ൽ​കാ​ൻ ത​യാ​റാ​വു​ക​യാ​യി​രു​ന്നു.