പാകിസ്താനിലെ തങ്ങളുടെ പൗരൻമാർക്ക് സുരക്ഷയൊരുക്കണമെന്ന് ചൈന

സമർഖണ്ഡ്: ചൈന-പാകിസ്താൻ സാമ്പത്തിക ഇടനാഴി (സി.പി.ഇ.സി) പദ്ധതിയുടെ ഭാഗമായി പാകിസ്താനിലുള്ള ചൈനക്കാർക്ക് സുരക്ഷയൊരുക്കണമെന്ന് ചൈന ആവശ്യപ്പെട്ടു.

ചൈന പ്രസിഡന്റ് ഷി ജിൻപിങ്, ഷാങ്ഹായ് ഉച്ചകോടിക്കിടെ പാക് പ്രധാനമന്ത്രി ഷെഹ്ബാസ് ശരീഫുമായി നടത്തിയ ചർച്ചയിലാണ് ഇക്കാര്യം ഉന്നയിച്ചത്. ഇരു രാജ്യങ്ങളും റെയിൽവേ, ഇ-കോമേഴ്സ് തുടങ്ങിയ മേഖലകളുടെ വികസനത്തിനും സഹകരണത്തിനും കരാറുകൾ ഒപ്പിട്ടു. പാകിസ്താനിലെ തീവ്രവാദി ഗ്രൂപ്പുകളുടെ ആക്രമണത്തിന് ചൈനീസ് പൗരന്മാർ ഇരയാകുന്ന നിരവധി സംഭവങ്ങൾ റിപ്പോർട്ട് ചെയ്തിരുന്നു.