ചൈന വിമാനാപകടം: 132 യാത്രക്കാരും മരിച്ചതായി സ്ഥിരീകരണം

ബീജിങ്: ചൈനീസ് മലനിരയിൽ തകർന്നുവീണ ഈസ്റ്റേൺ എയർലൈൻസ് ബോയിങ് 737-800 വിമാനത്തിലെ 132 യാത്രക്കാരും മരിച്ചതായി സ്ഥിരീകരണം. ജീവനോടെ ആരെയും കണ്ടെത്താനായില്ല. തെക്കുപടിഞ്ഞാറൻ പ്രവിശ്യയായ യുനാന്‍റെ തലസ്ഥാനമായ കുൻമുങ്ങിൽനിന്ന് ഹോങ്കോങ്ങിനടത്തുള്ള ഗ്വാങ്ച്വാ നഗരത്തിലേക്കുള്ള യാത്രക്കിടെയാണ് കഴിഞ്ഞ തിങ്കളാഴ്ച വിമാനം തകർന്നുവീണത്.

ത​ക​ർ​ന്ന് മൂ​ന്നു ദി​വ​സ​ത്തി​നു ശേ​ഷ​മാ​ണ് എ​ൻ​ജി​ൻ ഘ​ട​ക​ങ്ങ​ളും ചി​ത​റി​യ വി​മാ​ന ഭാ​ഗ​ങ്ങ​ളും ക​ത്തി​ക്ക​രി​ഞ്ഞ​ നി​ല​യി​ൽ യാ​ത്ര​ക്കാ​ർ ഉ​പ​യോ​ഗി​ച്ചി​രു​ന്ന വ​സ്തു​ക്ക​ളും ക​ണ്ടെ​ത്തി​യ​ത്. ശനിയാഴ്ച രാത്രിയാണ് വിമാനത്തിലെ 132 യാത്രക്കാരും മരിച്ചതായി ചൈന വ്യോമയാന അഡ്മിനിസ്ട്രേഷൻ ഔദ്യോഗികമായി സ്ഥിരീകരിച്ചത്. ഡി.എൻ.എ പരിശോധനയിലൂടെ 120 പേരുടെ മൃതദേങ്ങൾ തിരിച്ചറിഞ്ഞിട്ടുണ്ട്.

114 യാത്രക്കാരെയും ആറു വിമാന ജീവനക്കാരെയുമാണ് തിരിച്ചറിഞ്ഞതെന്ന് ഫോറൻസിക് വിദഗ്ധർ പറഞ്ഞു. വിമാനാപകടത്തിന്‍റെ കാരണം ഇതുവരെ കണ്ടെത്താനായിട്ടില്ല.