ചൈനീസ് വിദേശകാര്യമന്ത്രി ശ്രീലങ്കയിൽ

കൊളംബോ: ഉഭയകക്ഷി ബന്ധം മെച്ചപ്പെടുത്തുന്നതി​ന്‍റെ ഭാഗമായി ചൈനീസ് വിദേശകാര്യ മന്ത്രി വാങ് യി ശ്രീലങ്കയിലെത്തി. ​ലങ്കയിലെ ഉന്നതനേതാക്കളുമായി അദ്ദേഹം ചർച്ച നടത്തി.

ശ്രീലങ്കയുടെ കടബാധ്യത ഉൾപ്പെടെ നിരവധി വിഷയങ്ങൾ ചർച്ചയിൽ വന്നു. ഇരുരാജ്യങ്ങളും ഉഭയകക്ഷി ബന്ധം തുടങ്ങിയതി​ന്‍റെ 65ാം വാർഷികം കൂടിയാണിത്. ചർച്ച ക്രിയാത്മകമായിരുന്നുവെന്ന് ലങ്കൻ പ്രധാനമന്ത്രി മഹീന്ദ രാജപക്സ ട്വീറ്റ് ചെയ്തു.