മസ്ക് ടീം ഭീഷണിയെന്ന് ചൈന സർക്കാർ നയ ഉപദേഷ്ടാവ്

ബെ​യ്ജി​ങ്: സ​ർ​ക്കാ​ർ സം​വി​ധാ​നം ഉ​ട​ച്ചു​വാ​ർ​ക്കാ​ൻ നി​യു​ക്ത പ്ര​സി​ഡ​ന്റ് ഡോ​ണ​ൾ​ഡ് ട്രം​പ് നി​യ​മി​ച്ച ഇ​ല​ൺ മ​സ്ക്-​വി​വേ​ക് രാ​മ​സ്വാ​മി ടീം ​ചൈ​ന​ക്ക് ക​ന​ത്ത ഭീ​ഷ​ണി​യാ​ണെ​ന്ന് സ​ർ​ക്കാ​ർ ന​യ ഉ​പ​ദേ​ഷ്ടാ​വ് യെ​ങ് യോ​ങ്നി​യ​ൻ. കാ​ര്യ​ക്ഷ​മ​ത​യു​ള്ള യു.​എ​സ് ഭ​ര​ണ​സം​വി​ധാ​നം ചൈ​ന​ക്കു​മേ​ൽ ക​ടു​ത്ത സ​മ്മ​ർ​ദ​മു​ണ്ടാ​ക്കു​മെ​ന്നും അ​ദ്ദേ​ഹം പ​റ​ഞ്ഞു. പൊ​തു​പ​രി​പാ​ടി​യി​ൽ സം​സാ​രി​ക്കു​ന്ന​തി​ടെ​യാ​ണ് ചൈ​നീ​സ് യൂ​നി​വേ​ഴ്സി​റ്റി​യു​ടെ ഹോ​ങ്കോ​ങ് കാ​മ്പ​സ് ഡീ​ൻ​കൂ​ടി​യാ​യ യോ​ങ്നി​യ​ൻ ഇ​ങ്ങ​നെ അ​ഭി​പ്രാ​യ​​പ്പെ​ട്ട​തെ​ന്ന് സൗ​ത്ത് ചൈ​ന മോ​ണി​ങ് പോ​സ്റ്റ് റി​പ്പോ​ർ​ട്ട് ചെ​യ്തു.

ചൈ​ന​ക്ക് മാ​ത്ര​മ​ല്ല, യൂ​റോ​പ്പി​നും സ​മ്മ​ർ​ദം നേ​രി​ടേ​ണ്ടി​വ​രും. ദീ​ർ​ഘ​കാ​ലാ​ടി​സ്ഥാ​ന​ത്തി​ൽ യു.​എ​സി​ലെ മാ​റ്റ​ങ്ങ​ളി​ൽ നി​ന്നാ​യി​രി​ക്കാം ചൈ​ന​ക്ക് ഏ​റ്റ​വും വ​ലി​യ സ​മ്മ​ർ​ദം നേ​രി​ടേ​ണ്ടി​വ​രി​ക. എ​ന്നാ​ൽ, ഭ​ര​ണ​സം​വി​ധാ​ന​ത്തി​ൽ മ​സ്കി​നെ​പോ​ലു​ള്ള പ്ര​തി​ഭ​ക​ൾ കൊ​ണ്ടു​വ​രു​ന്ന പ​രി​ഷ്‍കാ​ര​ത്തെ വി​ല​കു​റ​ച്ചു​കാ​ണ​രു​തെ​ന്നും അ​ദ്ദേ​ഹം മു​ന്ന​റി​യി​പ്പ് ന​ൽ​കി.

ട്രം​പ് ഭ​ര​ണ​കൂ​ട​ത്തി​ൽ സ​ർ​ക്കാ​ർ കാ​ര്യ​ക്ഷ​മ​ത വ​കു​പ്പി​ന്റെ ചു​മ​ത​ല​യാ​ണ് വ്യ​വ​സാ​യി ഇ​ല​ൺ മ​സ്കും ഇ​ന്ത്യ​ൻ വം​ശ​ജ​ൻ വി​വേ​ക് രാ​മ​സ്വാ​മി​യും വ​ഹി​ക്കു​ക. സ​ർ​ക്കാ​ർ ജീ​വ​ന​ക്കാ​രു​ടെ എ​ണ്ണം ഗ​ണ്യ​മാ​യി വെ​ട്ടി​ക്കു​റ​ക്കു​ന്ന​ത​ട​ക്കം നി​ര​വ​ധി പ​ദ്ധ​തി​ക​ളാ​ണ് ഇ​വ​ർ ആ​സൂ​ത്ര​ണം ചെ​യ്തി​രി​ക്കു​ന്ന​ത്.