കൊലക്കേസ് പ്രതി കോടീശ്വരനായി 29 വർഷത്തിനുശേഷം പിടിയിൽ

ബെയ്ജിങ്: ഒളിവിലിരിക്കെ കോടീശ്വരനായി മാറിയ കൊലക്കേസ് പ്രതി 29 വർഷത്തിനുശേഷം പിടിയിൽ. ദക്ഷിണ ചൈനീസ് പൊലീസാണ് ഷയോങ് എന്നയാളെ പിടികൂടിയത്.

ഹുബൈ പ്രവിശ്യയിലെ ഷിയാങ് യാങ് സിറ്റി പൊലീസ് അറസ്റ്റ് ചെയ്യാൻ 1200 കിലോമീറ്റർ യാത്ര ചെയ്താണ് ഇയാൾ താമസിക്കുന്ന ഗ്വാങ്ഡോങ് പ്രവിശ്യയിലെ ഹുയിചോയിൽ എത്തിയത്. കോവിഡ് പ്രതിരോധ പ്രവർത്തകർ എന്ന വ്യാജേനെയാണ് പൊലീസ് ഇയാളെ സമീപിച്ചത്.

പതിറ്റാണ്ടുകൾ നീണ്ട ഒളിവുജീവിതത്തിനിടയിൽ ഇയാൾ സാധാരണ തൊഴിലാളിയിൽനിന്നും കോടീശ്വരനായി മാറിക്കഴിഞ്ഞിരുന്നു. ആഡംബര ഫ്ലാറ്റിലായിരുന്നു താമസം.