കാലാവസ്ഥ വ്യതിയാനം: വിദേശ രാജ്യങ്ങളിൽ കൽക്കരി നിലയങ്ങൾ നിർമിക്കില്ലെന്ന്​​ ചൈന

ന്യൂയോർക്​: കാലാവസ്​ഥ വ്യതിയാനം തടയുന്നതി​െൻറ ഭാഗമായി കാർബൺ വാതകങ്ങളുടെ തോത്​ കുറക്കാനായി വിദേശരാജ്യങ്ങളിൽ ഇനി കൽക്കരി വൈദ്യുതി നിലയങ്ങൾ സ്​ഥാപിക്കാൻ ഫണ്ട്​ നൽകില്ലെന്ന്​ ചൈനീസ്​ പ്രസിഡൻറ്​ ഷി ജിൻപിങ്​. ഐക്യരാഷ്​ട്രസഭയിൽ ഷി നടത്തിയ പ്രഖ്യാപനം​ ലോകനേതാക്കൾക്ക്​ അമ്പരപ്പായി.

ഇന്തോനേഷ്യ, ബംഗ്ലാദേശ്​ പോലുള്ള വികസ്വരരാജ്യങ്ങളിൽ കൽക്കരി വൈദ്യുതി പദ്ധതികളുടെ നിർമാണത്തെ പ്രോത്സാഹിപ്പിച്ചിരുന്ന രാജ്യമാണ്​ ചൈന. കാലാവസ്​ഥ വ്യതിയാനത്തിനെതിരെ പോരാടുന്ന പരിസ്​ഥിതിപ്രവർത്തകർ വിദേശരാജ്യങ്ങളിൽ കൽക്കരി നിലയങ്ങൾ സ്​ഥാപിക്കുന്നത്​ അവസാനിപ്പിക്കണമെന്ന്​ ചൈനയോട്​ ആവശ്യപ്പെട്ടിരുന്നു. കൽക്കരിനിലയങ്ങൾ നിർമിക്കുന്നത്​ അവസാനിപ്പിക്കുമെന്ന്​ ദക്ഷിണ കൊറിയ, ജപ്പാൻ രാജ്യങ്ങൾ ഈവർഷാദ്യം പ്രഖ്യാപിച്ചിരുന്നു. ഇതി​െൻറ ചുവടുപിടിച്ചാണ്​ ചൈനയുടെ തീരുമാനവുമെന്നാണ്​ വിലയിരുത്തൽ.

വികസ്വരരാജ്യങ്ങളിൽ കൽക്കരിൽ ഊർജനിലയങ്ങൾക്കുപകരം കുറഞ്ഞതോതിൽ കാർബൺ വികിരണങ്ങൾ പുറന്തള്ളുന്ന പരിസ്​ഥിതിസൗഹാർദ പദ്ധതികൾക്ക്​ മുൻതൂക്കം നൽകുമെന്നും ഷി വ്യക്തമാക്കി. എന്നാൽ, ഇതേക്കുറിച്ചുള്ള വിശദവിവരങ്ങൾ ചൈനീസ്​ പ്രസിഡൻറ്​ വെളിപ്പെടുത്തിയില്ല.

വൺ ബെൽറ്റ്​ വൺ റോഡ്​ പദ്ധതി വഴി മധ്യ, പശ്​ചിമ, ദക്ഷിണേഷ്യൻ രാജ്യങ്ങളിലും ആഫ്രിക്ക, യൂറോപ്പ്​ എന്നിവിടങ്ങളിലും കൽക്കരി ഊർജനിലയങ്ങൾ സ്​ഥാപിക്കാനാണ്​ ചൈന ലക്ഷ്യമിട്ടിരുന്നത്​. ആഗോളതാപനം രൂക്ഷമായിക്കൊണ്ടിരിക്കുന്ന സാഹചര്യത്തിൽ കാർബൺ വാതകങ്ങളുടെ തോത്​ കുറക്കാൻ ശ്രമിക്കുന്ന ദരിദ്രരാജ്യങ്ങൾക്ക്​ 2024ഓടെ 1140 കോടി ഡോളറി​െൻറ സാമ്പത്തികസഹായം നൽകുമെന്ന്​ യു.എസ്​ പ്രസിഡൻറ്​ ജോ ബൈഡൻ പ്രഖ്യാപിച്ചിരുന്നു.