ഇറ്റലിയിൽ ശ്മശാനം തകർന്ന് ശവപ്പെട്ടികൾ പുറത്തേക്ക് വീണു

റോം: ശ്മശാനം തകർന്നു വീണതിനെ തുടർന്ന് ഇറ്റലിയിൽ ശവപ്പെട്ടികൾ പുറത്തേക്ക് തൂങ്ങി. ചാപ്പൽ ഓഫ് ദി റിസറക്ഷൻ എന്നറിയപ്പെടുന്ന നാലു നിലകളോടു കൂടിയ ശവസംസ്കാര കെട്ടിടമാണ് തകർന്നു വീണത്.

ഈ വർഷമാദ്യം സമാന രീതിയിലുണ്ടായ മറ്റൊരപകടത്തിൽ 300 ശവപ്പെട്ടികൾ തകർന്നിരുന്നു.

സെമിത്തേരി തകർന്നതിൽ പ്രതിഷേധിച്ച് ഇവിടെ അടക്കിയവരുടെ കുടുംബാംഗങ്ങൾ പ്രതിഷേധവുമായി രംഗത്തെത്തി.

കഴിഞ്ഞ വർഷം ഫെബ്രുവരിയിൽ വടക്കൻ ഇറ്റലിയിലുണ്ടായ മണ്ണിടിച്ചിലിൽ ഒരു സെമിത്തേരിയുടെ ഭാഗങ്ങൾ തകരുകയും 200 ശവപ്പെട്ടികൾ കടലിലേക്ക് വീഴുകയും ചെയ്തിരുന്നു.