കോവിഡ്​ കാലത്ത്​ 10,000 പേരെ പ​​ങ്കെടുപ്പിച്ച് ഒരു 'ഡ്രൈവ്​ ത്രൂ കല്ല്യാണം'

ക്വാലലംപൂർ: കോവിഡ്​ മാനദണ്ഡങ്ങൾ പാലിച്ച്​ കൊണ്ട്​ 10,000 പേരെ പ​​ങ്കെടുപ്പിച്ച്​ ഒരു വിവാഹം സംഘടിപ്പിക്കുന്ന കാര്യം ഇക്കാലത്ത്​ ചിന്തിക്കാനാകുമോ. എന്നാൽ കോവിഡ്​ മഹാമാരിക്കിടെ ആയിരക്കണക്കിന്​ അതിഥികളെ പ​ങ്കെടുപ്പിച്ച്​ വിവാഹം നടത്തി വാർത്തകളിൽ ഇടം നേടി വാർത്തകളിൽ ഇടം നേടിയിരിക്കുകയാണ്​ ഈ മലേഷ്യൻ ദമ്പതികൾ.

തലസ്​ഥാന നഗരിയായ ക്വാലലംപൂരിന്​ തെക്ക്​ ഭാഗത്തായി സ്​ഥിതി ചെയ്യുന്ന പുത്രജയ നഗരത്തിലാണ്​ ഇൗ 'ഡ്രൈവ്​ത്രൂ കല്ല്യണം' നടന്നത്​.

രാജ്യത്തെ പ്രമുഖ രാഷ്​ട്രീയ നേതാവും മുൻ മന്ത്രിയുമായ തെൻകു അദ്​നാന്‍റെ മകൻ തെങ്​കു മുഹമ്മദ്​ ഹാഫിസിന്‍റെ വിവാഹമാണ്​​ വൈറ​ലായത്​. ​ഓഷിയാന അലാഗിയെ ഞായറാഴ്ച നടന്ന ഡ്രൈവ്​ത്രൂ വിവാഹത്തിൽ തെങ്​കു ജീവിത സഖിയാക്കി.

സർക്കാർ കെട്ടിടത്തിന്‍റെ വെളിയിലിരുന്നായിരുന്നു ദമ്പതികൾ അതിഥികളെ വരവേറ്റത്​. കാറോടിച്ചെത്തി​യാണ്​ അതിഥികൾ ദമ്പതികളെ ആശീർവദിച്ചത്​. കോവിഡിനെത്തുടർന്ന്​ വാഹനത്തിന്‍റെ കണ്ണാടി ഉയർത്തണമെന്ന്​ പ്രത്യേകം നിർദേശം നൽകിയിരുന്നു.

വിവാഹം മംഗളമായതിന്​ പിന്നാ​ലെ തെൻകു അദ്​നാൻ ചടങ്ങിനെത്തിയവർക്ക്​ ഫേസ്​ബുക്കിലൂടെ നന്ദിയറിയിച്ചു. കാറിൽ ചടങ്ങിനെത്തിയ അതിഥികൾക്ക്​ ഭക്ഷണം പാഴ്​സലായി നൽകുകയായിരുന്നു.