ജർമനിയിലും ബൾഗേറിയയിലും കോവിഡ് ഉയരുന്നു

ബർലിൻ: ജർമനിയിലും ബൾഗേറിയയിലും പ്രതിദിന കോവിഡ് കേസുകൾ ഉയരുന്നു. ബുധനാഴ്ച 80,000ത്തിലേറെ പേർക്കാണ് ജർമനിയിൽ കോവിഡ് സ്ഥിരീകരിച്ചത്; ബൾഗേറിയയിൽ 7062 പേർക്കും. ഫ്രാൻസിൽ ചൊവ്വാഴ്ച 3,68,149 പേർക്കാണ് കോവിഡ് സ്ഥിരീകരിച്ചത്.

യൂറോപ്പിലുടനീളം കോവിഡി​ന്‍റെ വകഭേദമായ ഒമി​ക്രോൺ വ്യാപിക്കുകയാണെന്ന് യൂറോപ്യൻ മെഡിസിൻ ഏജൻസി അറിയിച്ചു. സ്വീഡനിൽ കോവിഡ് നിയന്ത്രണങ്ങൾ ശക്തമാക്കി. പ്രതിദിന കോവിഡ് കേസുകൾ 698 ആയതോടെ റഷ്യയും നിയന്ത്രണങ്ങൾക്കൊരുങ്ങുകയാണ്. ആസ്ട്രേലിയയിൽ 24 മണിക്കൂറിനിടെ 18,427 പേർക്കാണ് പുതുതായി കോവിഡ് സ്ഥിരീകരിച്ചത്.