ലോകത്ത്​ 60-70 ശതമാനം ആളുകൾക്ക്​ വാക്​സിൻ നൽകാൻ രണ്ടു വർഷം കാത്തിരിക്കേണ്ടിവരും

മുംബൈ: ലോകത്തെ 60-70 ശതമാനം ജനങ്ങൾക്ക്​ കോവിഡ്​ 19നെതിരെ വാക്​സിൻ നൽകുന്നതിന്​ രണ്ടു വർഷം കാത്തിരിക്കേണ്ടിവരുമെന്ന്​ വിദഗ്​ധർ. നാൽപതോളം വാക്​സിൻ പരീക്ഷണങ്ങൾ ലോകത്തി​െൻറ വിവിധ ഭാഗങ്ങളിലായി നടക്കുന്നുണ്ട്​. ഇതിൽ ഒമ്പതെണ്ണം പരീക്ഷണത്തി​െൻറ രണ്ടും മൂന്നും ഘട്ടങ്ങളിലാണെന്നും ടൈംസ്​ ഓഫ്​ ഇന്ത്യക്ക്​ നൽകിയ അഭിമുഖത്തിൽ ലോകാരോഗ്യ സംഘടനയുടെ ചീഫ്​ സയൻറിസ്​റ്റ്​ സൗമ്യ സ്വാമിനാഥൻ പറഞ്ഞു.

വാക്​സിൻ പരീക്ഷണത്തി​െൻറ അവസാന ഘട്ടത്തിലുള്ള കമ്പനികൾ ഈ വർഷം അവസാനത്തിലോ 2021​െൻറ തുടക്കത്തിലോ ഫലം പ്രസിദ്ധപ്പെടുത്തിയേക്കും. ലോകത്തെ 60-70 ശതമാനം ജനങ്ങൾക്ക്​ കോവിഡ്​ വാക്​സിൻ നൽകുകയെന്ന ലക്ഷ്യം മുൻനിർത്തിയാൽതന്നെ 2022 അവസാനിക്കുംമുമ്പ്​ അതു സഫലമാവാൻ സാധ്യത കുറവാണ്​.

ഇന്ത്യയിലും ലോകത്തുടനീളവും കുറഞ്ഞ വിലക്ക്​ വാക്​സിൻ ലഭ്യമാക്കാനാകുമെന്നാണ്​ വിശ്വാസം. ആളുകൾ മാസ്​ക്​ ധരിച്ചും സാമൂഹിക അകലം പാലിച്ചും കൂട്ടംകൂടാതെയും കൊറോണയെ പ്രതിരോധിക്കാനുള്ള നീക്കങ്ങളുമായി സഹകരിക്കണമെന്നും സൗമ്യ സ്വാമിനാഥൻ ആവശ്യപ്പെട്ടു.