കോവിഡിൽ ജോലിയും പഠനവും മുടങ്ങി; സന്നദ്ധ സേവനത്തിനിറങ്ങി യുവസമൂഹം

യുനൈറ്റഡ്​ നാഷൻസ്​: കോവിഡ്​ മഹാമാരി മൂലം ജോലിയും പഠനവും മുടങ്ങിയെങ്കിലും പ്രത്യാശയുടെ പുതിയ പാഠങ്ങൾ പകർന്ന്​ യുവ സമൂഹം. ഭാവിയെ കുറിച്ചുള്ള ചോദ്യം ഉയരു​േമ്പാഴും സന്നദ്ധ സേവനത്തിനിറങ്ങുകയാണ്​ അവർ.

ഏതൊരു വെല്ലുവിളിയും മഹാമാരിയും ​സേവനത്തി​െൻറ കരുത്ത്​ കൊണ്ട്​ മറികടക്ക​ാമെന്ന്​ തെളിയിക്കുകയും ചെയ്യുന്നു. അന്താരാഷ്​ട്ര തൊഴിൽ സംഘടന (ഐ.എൽ.ഒ) നടത്തിയ പഠനത്തിലാണ്​ യുവ സമൂഹത്തിൽ നാലിലൊന്നും കോവിഡ്​ പ്രതിരോധത്തിനുള്ള സന്നദ്ധ സേവന രംഗത്ത്​ സജീവമാണെന്ന്​ വ്യക്​തമായത്​. 112 രാജ്യങ്ങളിൽനിന്നുള്ള 18-29 പ്രായപരിധിക്കാരായ 12000ത്തിൽ അധികം പേരിലാണ്​ സർവേ നടത്തിയത്​.

അതേസമയം, യുവജനങ്ങളിൽ പകുതിയും വിഷാദത്തിനും ഉത്​കണ്​ഠക്കും അടിമകളായി മാറിയതായും ഐ.എൽ.ഒ സർവേ കണ്ടെത്തി.

മൂന്നിലൊന്ന്​ പേരും, കരിയർ കോവിഡ്​​ മൂലം ഇല്ലാതാകുമെന്ന്​ വിശ്വസിക്കുന്നതായും 'യൂത്ത്​ ആൻഡ്​​ കോവിഡ്​: തൊഴിൽ, വിദ്യാഭ്യാസം, അവകാശങ്ങൾ, മാനസിക ക്ഷേമം എന്നിവയിൽ വരുത്തിയ പ്രതിഫലനം' എന്ന തലക്കെട്ടിലുള്ള സർവേ വ്യക്തമാക്കി. ഈ വിഷയത്തിൽ ഉടൻ നടപടി സ്വീകരിച്ചില്ലെങ്കിൽ യുവജനങ്ങൾ വലിയ തോതിൽ പ്രയാസം അനുഭവിക്കേണ്ടി വരുമെന്നും സംഘടന ചൂണ്ടിക്കാട്ടി.

കോവിഡ്​ മൂലം എട്ടിൽ ഒന്ന്​ പേർക്ക്​ വിദ്യാഭ്യാസമോ പരി​ശീലനമോ തടസ്സ​െപ്പട്ടു. 51 ശതമാനം പേരും തുടർവിദ്യാഭ്യാസം വൈകുമെന്ന്​ കരുതുന്നു. ഒമ്പത്​ ശതമാനം ഉന്നത വിദ്യാഭ്യാസം ലഭിക്കില്ലെന്ന്​ ഭയപ്പെടുന്നു. കോവിഡിനുമുമ്പ്​ ജോലി ചെയ്​തിരുന്നവരിൽ ആറിൽ ഒരാൾക്ക്​ തൊഴിൽ നഷ്​ടപ്പെട്ടു. 42 ശതമാനം പേർക്കും വരുമാനത്തിൽ ​ഇടിവുണ്ടായി.