തു​ർ​ക്കി​യ-സി​റി​യ ഭൂ​ക​മ്പ​ത്തി​ൽ മ​രണം 20,500 കവിഞ്ഞു; 75,592​ലേ​റെ പേ​ർ​ക്ക് പ​രി​ക്ക്

അ​ങ്കാ​റ/​ഡ​മ​സ്ക​സ്: തു​ർ​ക്കി​യ​യി​ലും സി​റി​യ​യി​ലും വ​ൻ നാ​ശം വി​ത​ച്ച ഭൂ​ക​മ്പ​ത്തി​ൽ മ​രി​ച്ച​വ​രു​ടെ എ​ണ്ണം 20,500 കവിഞ്ഞു. ഏറ്റവും പുതിയ റിപ്പോർട്ട് പ്രകാരം 20,783 പേർ മരിച്ചതായാണ് രാജ്യാന്തര മാധ്യമങ്ങൾ റിപ്പോർട്ട് ചെയ്യുന്നത്. 75,592​ലേ​റെ പേ​ർ​ക്ക് പ​രി​ക്കേ​റ്റു.

തു​ർ​ക്കി​യ​യി​ലെ മ​ര​ണം 17,406 ആ​യ​താ​യും 70,347 പേർക്ക് പരിക്കേറ്റതായും ആഭ്യന്തര മന്ത്രി സുലൈമാൻ സൊയ്‍ലു പ​റ​ഞ്ഞു. സി​റി​യ​യി​ൽ 3,377 പേ​രു​ടെ മ​ര​ണം സ്ഥി​രീ​ക​രി​ച്ചിട്ടുണ്ട്. 5,245ത്തി​ലേ​റെ പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു.

നാ​ലു ദി​വ​സ​ത്തി​നു​ ശേ​ഷ​വും ര​ക്ഷാ​പ്ര​വ​ർ​ത്ത​നം തു​ട​രു​ക​യാ​ണെ​ങ്കി​ലും കെ​ട്ടി​ടാ​വ​ശി​ഷ്ട​ങ്ങ​ളി​ൽ ​നി​ന്ന് ആ​ളു​ക​ളെ ജീ​വ​നോ​ടെ പു​റ​ത്തെ​ത്തി​ക്കാ​നാ​വു​മെ​ന്ന പ്ര​തീ​ക്ഷ​ക​ൾ അ​സ്ത​മി​ക്കു​ക​യാ​ണ്. എ​ന്നാ​ൽ, ദു​ര​ന്ത​മു​ണ്ടാ​യി 80 മ​ണി​ക്കൂ​റി​നു​ ശേ​ഷം തു​ർ​ക്കി​യ​യി​ലെ ദി​യാ​ർ​ബാ​ക്ക​റി​ൽ കെ​ട്ടി​ടാ​വ​ശി​ഷ്ട​ങ്ങ​ൾ​ക്കി​ട​യി​ൽ ​നി​ന്ന് എ​ട്ടു വ​യ​സ്സു​കാ​ര​നെ ര​ക്ഷി​ക്കാ​നാ​യി.

അ​ന്റാ​ക്യ​യി​ൽ പി​താ​വി​നെ​യും മ​ക​ളെ​യും അ​വ​ശി​ഷ്ട​ങ്ങ​ൾ​ക്കി​ട​യി​ൽ ​നി​ന്ന് ര​ക്ഷ​പ്പെ​ടു​ത്തി. ഇ​നി​യു​മേ​റെ പേ​ർ അ​വ​ശി​ഷ്ട​ങ്ങ​ൾ​ക്കി​ട​യി​ൽ കു​ടു​ങ്ങി​ക്കി​ട​ക്കു​ന്ന​താ​യാ​ണ് സൂ​ച​ന. അതിനിടെ സിറിയയിൽ ആദ്യ യു.എൻ സഹായ സംഘം എത്തി.