സിറിയയിൽ ഏറ്റുമുട്ടൽ രൂക്ഷം; മരണം 1000 കവിഞ്ഞു

ഡ​മ​സ്ക​സ്: സി​റി​യ​ൻ​സേ​ന​യും മു​ൻ പ്ര​സി​ഡ​ന്റ് ബ​ശ്ശാറുൽ ​അ​സ​ദി​നെ അ​നു​കൂ​ലി​ക്കു​ന്ന​വ​രും ത​മ്മി​ലു​ള്ള ഏ​റ്റു​മു​ട്ട​ലി​ൽ മ​രി​ച്ച​വ​രു​ടെ എ​ണ്ണം 1000 ക​വി​ഞ്ഞു. കൊ​ല്ല​പ്പെ​ട്ട​വ​രി​ൽ 745 പേ​രും സാ​ധാ​ര​ണ​ക്കാ​രാ​ണ്. ഇ​വ​രി​ൽ ഭൂ​രി​ഭാ​ഗ​വും തൊ​ട്ട​ടു​ത്തു​നി​ന്ന് ​വെ​ടി​യേ​റ്റാ​ണ് മ​രി​ച്ച​ത്. 125 സു​ര​ക്ഷ സൈ​നി​ക​ർ​ക്കും 148 അ​സ​ദ് അ​നു​കൂ​ലി​ക​ളാ​യ സാ​യു​ധ പോ​രാ​ളി​ക​ൾ​ക്കും ഏ​റ്റു​മു​ട്ട​ലി​ൽ ജീ​വ​ൻ ന​ഷ്ട​​പ്പെ​ട്ട​താ​യി ബ്രി​ട്ട​ൻ ആ​സ്ഥാ​ന​മാ​യ സി​റി​യ​ൻ മ​നു​ഷ്യാ​വ​കാ​ശ നി​രീ​ക്ഷ​ണ സം​ഘ​ട​ന അ​റി​യി​ച്ചു.

ഏ​റ്റു​മു​ട്ട​ൽ ന​ട​ക്കു​ന്ന ല​താ​ക്കി​യ മേ​ഖ​ല​യി​ൽ വൈ​ദ്യു​തി, കു​ടി​വെ​ള്ള വി​ത​ര​ണ​ം വി​ച്ഛേ​ദി​ച്ചി​രി​ക്കു​ക​യാ​ണ്. ആ​യി​ര​ക്ക​ണ​ക്കി​ന് കു​ടും​ബ​ങ്ങ​ൾ സു​ര​ക്ഷി​ത സ്ഥ​ല​ങ്ങ​ളി​ലേ​ക്ക് പ​ലാ​യ​നം ചെ​യ്തു. അ​സ​ദ് അ​നു​കൂ​ലി​ക​ളും ന്യൂ​ന​പ​ക്ഷ​വു​മാ​യ അ​ല​വി വി​ഭാ​ഗ​ത്തി​ലു​ള്ള​വ​രെ തെ​ര​ഞ്ഞു​പി​ടി​ച്ച് തെ​രു​വി​ലും വീ​ടു​ക​ളി​ൽ ക​യ​റി​യും സേ​ന വെ​ടി​വെ​ച്ചു​കൊ​ല്ലു​ക​യാ​ണെ​ന്ന് അ​സോ​സി​യേ​റ്റ​ഡ് പ്ര​സ് വാ​ർ​ത്ത ഏ​ജ​ൻ​സി റി​പ്പോ​ർ​ട്ട് ചെ​യ്തു. അ​ല​വി വി​ഭാ​ഗ​ക്കാ​രു​ടെ വീ​ടു​ക​ൾ കൊ​ള്ള​യ​ടി​ക്കു​ക​യും തീ​യി​ടു​ക​യും ചെ​യ്തു. ഏ​റ്റ​വും രൂ​ക്ഷ​മാ​യ ഏ​റ്റു​മു​ട്ട​ൽ ന​ട​ക്കു​ന്ന തീ​ര​ന​ഗ​ര​ങ്ങ​ളാ​യ ബ​നി​യാ​സി​ന്റെ​യും ജ​ബ​ലി​ഹി​ന്റെ​യും തെ​രു​വു​ക​ളി​ൽ മൃ​ത​ദേ​ഹ​ങ്ങ​ൾ ചി​ത​റി​ക്കി​ട​ക്കു​ക​യാ​ണെ​ന്ന് ബ​നി​യാ​സി​ൽ​നി​ന്ന് കു​ടും​ബ​ത്തോ​ടൊ​പ്പം ര​ക്ഷ​പ്പെ​ട്ട 57കാ​ര​നാ​യ അ​ലി ഷെ​ഹ പ​റ​ഞ്ഞു. അ​സ​ദ് ഭ​ര​ണ​കൂ​ട​ത്തി​ന്റെ കു​​റ്റ​കൃ​ത്യ​ങ്ങ​ൾ​ക്ക് പ്ര​തി​കാ​ര​മാ​യാ​ണ് അ​ല​വി വി​ഭാ​ഗ​ങ്ങ​ളെ സേന കൊ​ല്ലു​ന്ന​ത്. അ​ല​വി വി​ഭാ​ഗ​ത്തി​ൽ​പെ​ട്ട 20 ഓ​ളം അ​യ​ൽ​വാ​സി​ക​ളെ സേ​ന കൂ​ട്ട​ക്കൊ​ല ചെ​യ്ത​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു.

അ​സ​ദി​നെ പു​റ​ത്താ​ക്കി വി​മ​ത​വി​ഭാ​ഗ​മാ​യ ഹൈ​അ​ത് ത​ഹ​രീ​ർ അ​ശ്ശാം സി​റി​യ​ൻ ഭ​ര​ണം പി​ടി​ച്ചെ​ടു​ത്ത് മൂ​ന്ന് മാ​സ​ങ്ങ​ൾ​ക്ക് ശേ​ഷ​മാ​ണ് പു​തി​യ ഏ​റ്റു​മു​ട്ട​ൽ. തീ​ര​ദേ​ശ​ന​ഗ​ര​മാ​യ ജ​ബ​ല​ക്ക് സ​മീ​പം പി​ടി​കി​ട്ടാ​പ്പു​ള്ളി​യെ സൈ​ന്യം ക​സ്റ്റ​ഡി​യി​ലെ​ടു​ക്കാ​ൻ ശ്ര​മി​ച്ച​തി​നെ​ത്തു​ട​ർ​ന്ന് അ​സ​ദ് അ​നു​കൂ​ലി​ക​ൾ പ​തി​യി​രു​ന്ന് ആ​ക്ര​മി​ച്ച​തോ​ടെ​യാ​ണ് വെ​ള്ളി​യാ​ഴ്ച ഏ​റ്റു​മു​ട്ട​ലു​ക​ൾ ആ​രം​ഭി​ച്ച​ത്. 14 വ​ർ​ഷം മു​മ്പ് ന​ട​ന്ന ജ​ന​കീ​യ പ്ര​ക്ഷോ​ഭ​ത്തി​നു​ശേ​ഷം ആ​ദ്യ​മാ​യാ​ണ് ഇ​ത്ര​യും രൂ​ക്ഷ​മാ​യ ഏ​റ്റു​മു​ട്ട​ലി​ന് രാ​ജ്യം സാ​ക്ഷി​യാ​വു​ന്ന​ത്.

അ​സ​ദ് അ​നു​കൂ​ലി​ക​ളു​ടെ നി​യ​ന്ത്ര​ണ​ത്തി​ലാ​യി​രു​ന്ന തീ​ര​പ്ര​​ദേ​ശ​ങ്ങ​ളി​ൽ ഭൂ​രി​ഭാ​ഗ​വും സേ​ന തി​രി​ച്ചു​പി​ടി​ച്ച​താ​യി പ്ര​തി​രോ​ധ മ​ന്ത്രാ​ല​യ​ത്തി​ലെ ര​ഹ​സ്യ​വൃ​ത്ത​ങ്ങ​ൾ പ​റ​ഞ്ഞു. ഏ​റ്റു​മു​ട്ട​ൽ അ​വ​സാ​നി​പ്പി​ക്കു​ന്ന​തി​നാ​യി തീ​ര​മേ​ഖ​ല​ക​ളി​ലേ​ക്കു​ള്ള എ​ല്ലാ റോ​ഡു​ക​ളും അ​ട​ച്ച​താ​യും അ​ദ്ദേ​ഹം വ്യ​ക്ത​മാ​ക്കി. ജ​ന​ങ്ങ​ൾ ര​ക്ഷ​തേ​ടി സി​റി​യ​യി​ൽ​നി​ന്ന് ല​ബ​നാ​നി​ലേ​ക്ക് പ​ലാ​യ​നം ചെ​യ്യു​ക​യാ​ണെ​ന്ന് സി​റി​യ​ൻ പാ​ർ​ല​മെ​ന്റി​ലെ അ​ല​വി വി​ഭാ​ഗ​ത്തി​ൽ​നി​ന്നു​ള്ള അം​ഗ​മാ​യ ഹൈ​ദ​ർ നാ​സ​ർ അ​റി​യി​ച്ചു. നി​ര​വ​ധി പേ​ർ ഹു​മൈ​മി​ലെ ​റ​ഷ്യ​ൻ വ്യോ​മ​താ​വ​ള​ത്തി​ൽ അ​ഭ​യം തേ​ടി​യി​രി​ക്കു​ക​യാ​ണ്. അ​ല​വി വി​ഭാ​ഗ​ങ്ങ​ളു​ടെ ര​ക്ഷ​ക്ക് അ​ന്താ​രാ​ഷ്ട്ര സ​മൂ​ഹം രം​ഗ​ത്തു​വ​ര​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

സി​റി​യ​യി​ലെ ഏ​റ്റു​മു​ട്ട​ലി​നെ അ​പ​ല​പി​ച്ച ഫ്രാ​ൻ​സ്, സാ​ധാ​ര​ണ​ക്കാ​ർ​ക്ക് നേ​രെ​യു​ള്ള ആ​ക്ര​മ​ണ​ങ്ങ​ളി​ൽ ക​ടു​ത്ത ആ​ശ​ങ്ക പ്ര​ക​ടി​പ്പി​ച്ചു. ആ​ക്ര​മ​ണ​ങ്ങ​ളെ​ക്കു​റി​ച്ച് സ്വ​ത​ന്ത്ര​മാ​യ അ​ന്വേ​ഷ​ണം ന​ട​ത്താ​ൻ സി​റി​യ​യി​ലെ ഇ​ട​ക്കാ​ല ഭ​ര​ണ​കൂ​ടം ത​യാ​റാ​ക​ണ​മെ​ന്നും ​ഫ്ര​ഞ്ച് വി​ദേ​ശ​കാ​ര്യ മ​ന്ത്രാ​ല​യം ആ​വ​ശ്യ​പ്പെ​ട്ടു.