ചൈനയിൽ പേമാരി: മരണം 33 ആയി

ബെയ്​ജിങ്​: ചൈനയിലെ ഷെങ്​സൂ ​നഗരത്തിൽ ആയിരം വർഷത്തിനിടെ പെയ്​ത ഏറ്റവും വലിയ മഴയിൽ മരിച്ചവരുടെ എണ്ണം 33 ആയി. ലോകത്തെ ഏറ്റവും വലിയ ഐഫോൺ നിർമാണ ഫാക്​ടറി സ്​ഥിതിചെയ്യുന്ന മേഖലയിൽനിന്ന്​ ആയിരങ്ങളെ ഒഴിപ്പിച്ചിട്ടുണ്ട്​.​

അപ്രതീക്ഷിതമായി വെള്ളം കയറിയ​േതാടെ പലരും ഓഫിസുകളിലും സ്​കൂളുകളിലും അപാർട്​മെന്‍റുകളിലും കുടുങ്ങി. വാഹനങ്ങൾ ഒലിച്ചുപോയി. പ്രളയതീവ്രത കുറക്കാൻ ഹെനാൻ പ്രവിശ്യയിലെ ഡാം പട്ടാളത്തി‍െൻറ സഹായത്തോടെ തുറന്നുവിട്ടു.

ഇവിടെ മൂന്നുദിവസത്തിനിടെ 640 മീ.മീറ്റർ മഴയാണ്​ പെയ്​തത​്​. സമീപകാലത്തെ ഏറ്റവും ഉയർന്ന അളവാണിതെന്ന്​ ചൈനീസ്​ മാധ്യമങ്ങൾ റിപ്പോർട്ട്​ ചെയ്​തു. ഒരുവർഷത്തിനിടെ ലഭിക്കാറുള്ള മഴ മൂന്നുദിവസം കൊണ്ട്​ പെയ്​തൊഴിയുകയായിരുന്നു.